The news is by your side.

Advertisement

وزیراعلیٰ سندھ کی نااہلی سے متعلق نظرثانی درخواست سماعت کیلئے منظور

اسلام آباد : سپریم کورٹ نے وزیراعلیٰ سندھ مراد علی شاہ کی دہری شہریت اور اقامے پر نااہلی کیس میں نظرثانی درخواست سماعت کیلئے منظور کرتے مراد علی شاہ کو نوٹس جاری کردیا۔

تفصیلات کے مطابق سپریم کورٹ میں جسٹس عظمت سعید کی سربراہی میں تین رکنی بنچ نے وزیراعلیٰ سندھ سید مراد علی شاہ کی نااہلی سے متعلق نظر ثانی درخواست پر سماعت کی۔

عدالت نے وزیراعلیٰ سندھ مراد علی شاہ کی دہری شہریت اور اقامے پر نااہلی کیس میں نظرثانی درخواست سماعت کیلئے منظور کرلی اور  مراد علی شاہ کو نوٹس جاری کردیا۔

سپریم کورٹ نے فیصلہ دو ایک کی اکثریت کی بنیاد پر کیا، جسٹس عمرعطابندیال نےفیصلے سے اختلاف کیا اور جسٹس عظمت سعید اور جسٹس اعجاز الااحسن نے کثرت رائے سے نوٹس جاری کیا۔

مراد علی شاہ کی اہلیت روشن علی نامی شہری نے چیلنج کیا ہے، جس میں مراد علی شاہ کی دہری شہریت پر نااہلی کی استدعا کی گئی ہے، درخواست گزار کے مطابق جھوٹا بیان حلفی الیکشن دو ہزار تیرہ کےلیےجمع کرایاگیا۔

مزید پڑھیں : سپریم کورٹ نے وزیراعلیٰ سندھ مراد علی شاہ کی نااہلی کے لئے درخواست مسترد کردی

یاد رہے جنوری 2019 میں سپریم کورٹ مراد علی شاہ کی نااہلی کی اپیل خارج کر چکی ہے، عدالت نے قرار دیا تھا صرف سیاسی مخالفت پرعہدے سے ہٹانے کی درخواست سنی نہیں جاسکتی،مراد علی شاہ دو ہزار تیرہ میں دہری شہر یت چھوڑچکے تھے،دہری شہریت چھوڑنےپرنااہلی ختم ہوگئی۔

اعلی عدالت کا کہنا تھا معاملےمیں ہائی کورٹ کا درخواست مسترد کرنا بالکل درست ہے، فورم موجود ہونے کے باوجود ہائی کورٹ میں درخواست دائر کیوں کی گئی ایسے نہیں کہ اچانک کسی کوعہدے سے ہٹانے کی درخواست دائر کردی جائے، ہر کوئی عہدیداران کو ہٹانے کی درخواست سپر یم کورٹ ہائی کورٹ لے آتا ہے، درخواست گزاران کو قانونی فورمز کا استعمال کرنا چاہیے۔

Comments

comments

یہ بھی پڑھیں