The news is by your side.

Advertisement

پانامالیکس سماعت: سپریم کورٹ کا لارجر بینچ تشکیل

اسلام آباد: سپریم کورٹ آف پاکستان نے پانامالیکس کیس کی سماعت کے لیے لارجربینچ تشکیل دےدیا۔پانامالیکس پر درخواستوں کی سماعت یکم نومبر سے ہوگی۔

تفصیلات کےمطابق سپریم کورٹ آف پاکستان نے پانامالیکس پر درخواستوں کی سماعت کے لیے پانچ رکنی لارجر بینچ تشکیل دے دیا جس کی سربراہی چیف جسٹس انور ظہیر جمالی کریں گے۔

سپریم کورٹ کے لارجر بینچ میں جسٹس آصف سعیدکھوسہ،جسٹس امیرہانی مسلم،جسٹس عظمت سعیداورجسٹس اعجازالحسن شامل ہیں۔

خیال رہے کہ وزیرا عظم نواز شریف کی نا اہلی اور پانامہ لیکس کی مکمل تحقیقات کے لیے پاکستان تحریک انصاف،جماعت اسلامی، عوامی مسلم لیگ،جمہوری وطن پارٹی اور طارق اسد ایڈووکیٹ نے سپریم کورٹ میں آئینی درخواستیں دائر کی تھیں۔

یاد رہے کہ 20اکتوبرکو ان درخواستوں پر سماعت کے بعد سپریم کورٹ نے وزیراعظم نوازشریف،ان کی بیٹی مریم نواز،داماد ریٹائرڈ کیپٹن صفدر،حسین اور حسن نواز سمیت تمام فریقین کو نوٹس جاری کیے تھے اور سماعت ملتوی کردی تھی۔

مزید پڑھیں:بادشاہ کو قانون کے نیچے لانے کے لیے آج پہلا قدم ہے،عمران خان

واضح رہے کہ تحریک انصاف کےسربراہ عمران خان کا کہناتھاکہ سپریم کورٹ کی جانب سے نوازشریف کو نوٹس جاری ہونا بادشاہ کو قانون کے نیچے لانے کے لیے آج پہلا قدم ہے۔

Comments

comments

یہ بھی پڑھیں