The news is by your side.

Advertisement

سپریم کورٹ نے اسلام آباد میں تجاوزات کےخلاف گرینڈ آپریشن کا حکم دے دیا

اسلام آباد : سپریم کورٹ نے اسلام آباد میں تجاوزات کےخلاف گرینڈآپریشن کاحکم دے دیا، چیف جسٹس نے کہا چیئرمین سی ڈی اے دو دن کا نوٹس دیں، پھر بلڈوزر لیکر نکل جائیں، ڈی چوک پر موجودگیٹ نہیں ہوناچاہیئے۔

تفصیلات کے مطابق سپریم کورٹ میں چیف جسٹس گلزار احمد کی سربراہی میں اسلام آباد میں غیر قانونی تعمیرات سے متعلق کیس کی سماعت ہوئی ، سماعت میں عدالت نے چیئرمین سی ڈی اے کو غیر قانونی تعمیرات کیخلاف کارروائی کا حکم دے دیا۔

چیف جسٹس نے ریمارکس میں کہا چیئرمین سی ڈی اے 2 دن کا نوٹس دیں، پھر بلڈوزر لیکر نکل جائیں، چیئرمین سی ڈی اے صاحب آپ کےپیچھے عدالت کھڑی ہے، اسلام آباد کے ڈی چوک پرموجودگیٹ نہیں ہوناچاہیے اور سینٹورس مال سے پارلیمنٹ ہاؤس نظر آنا چاہیے۔

چیف جسٹس پاکستان کا کہنا تھا کہ گرین بلٹ پر موجود تمام قبضوں کو ہٹایاجائے، ایسا نہ ہو2تجاوزات خالی کرالی جائیں، باقی سب کو اجازت دی جائے، ہم آپ کے ہاتھ مضبوط کرنا چاہتے ہیں ، آپ خودطاقت نہ پکڑےتوہم کیا کرسکتے ہیں۔

جسٹس گلزار نے کہا سابق سربراہان کی طرح موجودہ سربراہ نہیں ہے، موجودہ سربراہ کے پاس آئیڈیاز موجود ہیں، اسلام آباد پاکستان کا میں شہر ہے ، اسے دیگر شہروں سے بہتر ہوناچاہیے۔

چیف جسٹس کا کہنا تھااسلام آباد میں جتنے پلاٹس کا پرپز تبدیل ہوا ان کی تفصیل بتائی جائے، کوشش کریں توایسے بیس ہزار پلاٹس نکل سکتےہیں، ہم ایک ہی فیصلے میں سب کا حل نکالیں گے۔

fb-share-icon0
Tweet 20

Comments

comments

یہ بھی پڑھیں