سپریم کورٹ نے شہریت ترمیمی قانون (سی اے اے) کا نفاذ روکنے سے انکار کردیا اور مرکزی حکومت کو نوٹس جاری کرتے ہوئے آٹھ اپریل تک جواب طلب کر لیا۔
تفصیلات کے مطابق بھارتی سپریم کورٹ میں شہریت ترمیمی قانون کے خلاف دائردو سو سے زائد درخواستوں پر سماعت ہوئی۔
چیف جسٹس آف انڈیا ڈی وائی چندرچوڑ کی سربراہی میں تین رکنی بینچ نے کیس کی سماعت کی۔
بھارتی میڈیا نے بتایا کہ سپریم کورٹ نے سی اے اے کا نفاذ روکنے سے انکار کردیا اور عدالت نے مرکزی حکومت کو نوٹس جاری کرتے ہوئے آٹھ اپریل تک جواب طلب کر لیا۔
درخواست گزاروں نے مرکز کو وقت دینے کی مخالفت کی، درخواست گزار کا کہنا تھا کہ سی اے اے چارسال سے نافذ ہے، شہریت مل گئی تو واپس کرنا مشکل ہو جائے گا۔
سپریم کورٹ میں دائر درخواستوں میں سی اے اے اورشہریت ترمیمی قواعد دوہزارچوبیس کے نفاذ کو روکنے کی استدعا کی گئی تھی۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں