The news is by your side.

Advertisement

سپریم کورٹ نے حج کوٹہ بڑھانے کی حکومتی درخواست مسترد کر دی

اسلام آباد : سپریم کورٹ نے حج کوٹہ بڑھانے کی حکومتی درخواست مسترد کرتے ہوئے حج کوٹےمیں60فیصد سرکاری اور40 فیصد نجی کوٹے کو برقرار رکھا۔

تفصیلات کے مطابق سپریم کورٹ میں چیف جسٹس میاں ثاقب نثار کی سربراہی میں تین رکنی بینچ نے حج کوٹہ کیس کی سماعت کی، ڈپٹی اٹارنی جنرل سہیل محمود عدالت میں پیش ہوئے۔

دوران سماعت ڈپٹی اٹارنی جنرل سہیل محمود نے موقف اپنایا کہ ہائی کورٹ نے 67 فیصد کوٹے کو 60 فیصد کردیا، جس پر چیف جسٹس نے سوال کیا کہ ہائی کورٹ کے فیصلے میں غیرقانونی بات کیا ہے۔

جس پر ڈپٹی اٹارنی جنرل سہیل محمود نے کہا کہ سپریم کورٹ کی ہدایت پر کمیٹی قائم کی گئی تھی، کابینہ نے کوٹہ 60 فیصد سے67 فیصد کردیا، سرکاری حج پرائیویٹ سے زیادہ سستا ہے۔

چیف جسٹس نے ریمارکس دیئے کہ عوام کوآرام دہ حج کی سہولت بھی ہونی چاہیے۔

عدالت نے قرار دیا کہ عدالتی فیصلے کوکابینہ کیسے غیرموثر کرسکتی ہے؟ اور حج کوٹہ بڑھانے کے لئے حکومت کی درخواست مسترد کر دی ۔

سپریم کورٹ نے حج کوٹے میں60فیصد سرکاری اور40 فیصد نجی کوٹے کو برقرار رکھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں