The news is by your side.

Advertisement

عمران خان اور جہانگیر ترین نا اہلی کیس: حنیف عباسی کا کونسا بنیادی حق متاثر ہوا؟ عدالت

اسلام آباد: عمران خان اور جہانگیر ترین نااہلی کیس کی سماعت کے دوران چیف جسٹس نے ریمارکس دیے کہ حنیف عباسی کے لیڈر کو عمران خان نے چیلنج کیا، حنیف عباسی کا کون سا بنیادی حق متاثر ہوا۔

تفصیلات کے مطابق سپریم کورٹ میں عمران خان اور جہانگیر ترین نااہلی کیس کی سماعت چیف جسٹس کی سربراہی میں 3 رکنی بینچ نے کی۔ جہانگیر ترین نے اپنے ٹرسٹ کے حوالے سے دستاویزات جمع کروا دیں۔

مسلم لیگ ن کے رہنما درخواست گزار حنیف عباسی کے وکیل اکرم شیخ نے کہا کہ جمائمہ کے بنی گالہ میں اراضی کے علاوہ کسی اثاثے کا ذکر نہیں کیا گیا جس پر چیف جسٹس نے کہا کہ جمائمہ انتہائی امیر گھرانے سے تعلق رکھتی ہیں، عمران خان کو ساری دنیا میں جمائمہ کے اثاثے ڈھونڈنے پڑتے، آپ نے یہ اعتراض پہلے کبھی نہیں اٹھایا۔

اکرم شیخ نے دلائل دیے کہ ہمارا کیس ہی اثاثےچھپانے کا ہے، اپنی گزارشات تحریری طور پر پیش کروں گا۔

چیف جسٹس نے کہا کہ حنیف عباسی کے لیڈر کو عمران خان نے چیلنج کیا، حنیف عباسی کا کون سا بنیادی حق متاثر ہوا؟ بظاہر یوں لگتا ہے کہ جوابی کارروائی کے لیے درخواست دائر کی گئی۔ کسی کو الیکشن پر اعتراض ہو تو ٹربیونل سے رجوع کیا جائے۔

بعد ازاں عدالت نے سماعت غیر معینہ مدت کے لیے ملتوی کردی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں