The news is by your side.

Advertisement

ایون فیلڈریفرنس میں نوازشریف کی سزا معطلی کیخلاف نیب کی اپیل سماعت کے لئے مقرر

اسلام آباد : سپریم کورٹ میں ایون فیلڈریفرنس میں نوازشریف ، مریم نواز اور کیپٹن صفدر کی سزا معطلی کیخلاف نیب کی اپیل سماعت کے لئے مقرر کردی، چیف جسٹس کی سربراہی میں5 رکنی بینچ 14جنوری کو سماعت کرے گا۔

تفصیلات کے مطابق ايون فيلڈريفرنس میں نوازشریف،  مریم نواز اور کیپٹن صفدر  کی سزا معطلی کے خلاف نیب کی اپیل سپريم کورٹ ميں سماعت کے لئے مقرر کردی گئی ، چيف جسٹس ثاقب نثار کی سربراہی ميں 5 رکنی بینچ 14 جنوری کو سماعت کرے گا، بنچ ميں جسٹس آصف سعيد، جسٹس گلزار احمد، جسٹس مشير عالم اور جسٹس مظہرعالم شامل ہیں۔

نيب نے نوازشريف کی سزا معطلی کے خلاف سپريم کورٹ سے رجوع کیاتھا، جس میں فیصلہ کالعدم قرار دینے کی استدعا کی تھی۔

یاد رہے 12 نومبر کو سپریم کورٹ نے نوازشریف اورمریم نوازکی سزامعطلی کے خلاف نیب کی اپیلوں کو قابل سماعت قراردیا تھا چیف جسٹس نے کہا تھا دیکھیں گے کہ ان اپیلوں پر سماعت کے لیے کیا کوئی لارجر بینچ دیاجائے۔

مزید پڑھیں : نوازشریف اورمریم نواز کی سزامعطلی کے خلاف نیب کی اپیلیں قابل سماعت قرار

خیال رہے 19 ستمبر کو اسلام آباد ہائی کورٹ کےدو رکنی بینچ جسٹس اطہر من اللہ اور جسٹس میاں گل حسن اورنگ زیب نے مختصر فیصلے میں نوازشریف، مریم اور صفدر کی سزائیں معطل کرکے تینوں کی رہائی کا حکم دیا تھا۔

واضح رہے 6 جولائی کو احتساب عدالت کے جج محمد بشیر نے ایون فیلڈ ریفرنس کا فیصلہ سناتے ہوئے نواز شریف کو دس مریم نواز کو سات اور کیپٹن ر صفدر کو ایک سال کی سزا سنائی تھی۔

ایوان فیلڈ میں سزا کے بعد 13 جولائی کو نوازشریف اور مریم نواز کو لندن سے لاہورپہنچتے ہی گرفتار کرلیا گیا تھا ، جس کے بعد دونوں کو خصوصی طیارے پر نیو اسلام آباد ایئر پورٹ لایا گیا، جہاں سے اڈیالہ جیل منتقل کردیا گیا تھا۔

Comments

comments

یہ بھی پڑھیں