The news is by your side.

Advertisement

سپریم کورٹ نے کے ایم سی کوارٹرز خریدنے والے مکینوں کی اپیل مسترد کردی

رونے سے کچھ ہونے والا نہیں، گھر لینے سے پہلے سوچنا چاہیے تھا, جسٹس گلزار احمد

کراچی : سپریم کورٹ نے کے ایم سی کوارٹرز خریدنے والے مکینوں کی اپیل مسترد کردی، جسٹس گلزار احمد نے کہا رونے سے کچھ ہونے والا نہیں، گھر  لینے سے پہلے سوچنا چاہیے تھا۔

تفصیلات کے مطابق سپریم کورٹ کراچی رجسٹری میں کراچی کے علاقے کورنگی میں کےایم سی کوارٹرز پر قبضے سے متعلق کیس کی سماعت ہوئی۔

سپریم کورٹ نے کے ایم سی کوارٹرز خریدنے والے مکینوں کی اپیل مسترد کردی، مکینوں کا کہنا تھا کہ ہمیں ڈائریکٹر کچی آبادی نےگھر فروخت کیے، ہمارا کیا قصور تھا، 45 سال سے رہ رہے ہیں اب کے ایم سی خالی کرانے پہنچ گئی۔

جس پر جسٹس گلزار احمد نے کہا کراچی میں بہت کچھ ہوتا دیکھ رہے ہیں، کیا پورا پاکستان اسی طرح الاٹ کردیں ؟ پورے کراچی میں یہی ہو رہا ہے۔

جسٹس سجادعلی شاہ کا کہنا تھا کہ دستاویزات ثابت کررہےہیں یہ کےایم سی کےکوارٹرزہیں، جسٹس گلزار نے کہا 100 سال بھی غیرقانونی بیٹھےرہیں توغیرقانونی تصور ہوگا، وکیل کے ایم سی نے بتایا کوارٹرز خالی کرا کر سیل کر دیے ہیں۔

کراچی رجسٹری میں مکین دوہائیاں دیتے رہے تاہم عدالت نےدو ٹوک الفاظ میں کہا رونے سے کچھ ہونے والا نہیں، گھر لینے سے پہلے سوچنا چاہیئے تھا۔

Comments

comments

یہ بھی پڑھیں