کراچی : شہرِ قائد کے جناح ایئرپورٹ پرمسافروں کا سامان اسکین کرنے والی مشین میں فنی خرابی پیدا ہوگئی جس کے سبب غیر ملکی پروازیں تاخیر کا شکار ہوگئی ہیں۔
تفصیلات کے مطابق کراچی ایئر پورٹ پر سامان اسکین کرنے والی مشین میں خرابی کے سبب مسافروں کا سامان اسکین نہ ہوسکا‘جس کی و جہ سے پی آئی اے کی لندن جانیوالی پرواز پی کے787اور ٹورنٹو جانیوالی پرواز پی کے783میں تاخیر کا شکار ہوگئیں۔
جاپان پاکستانی ایئرپورٹس کے لیے سیکیورٹی سسٹم فراہم کرے گا
ذرائع کا کہنا ہے کہ مسافروں کا سامان اسکین نہ ہونے کی وجہ سے کراچی ایئرپورٹ پر مسافروں کا خاصا رش لگ گیا ہے اور تاخیر کا شکار ہونے والی پروازوں او رشیڈول پروازوں کے مسافر ایک وقت میں لاؤنج میں جمع ہوگئے ہیں۔
- Advertisement -
ایئرپورٹ انتظامیہ کے مطابق اسکینرمشین میں اچانک فنی خرابی پیدا ہوگئی ہے جسے ہنگامی بنیاد پر دور کیا جارہا ہے۔
