The news is by your side.

Advertisement

سیر پر آئے اسکول کے بچوں کی کشتی الٹ گئی، ایک ٹیچرجاں بحق، 4 بچوں کی حالت تشویشناک

راولپنڈی: خانپور ڈیم میں سیر پر آئے اسکول کے بچوں کی کشتی الٹ گئی ، حادثے کے نتیجے میں ایک ٹیچر جاں بحق ہوگئی جبکہ 4 بچوں کی حالت تشویشناک ہے۔

تفصیلات کے مطابق انتظامیہ کی لاپرواہی اورغفلت سے خانپورڈیم میں ایک اور حادثہ پیش آیا ، جہاں سیر پر آئے اسکول کے بچوں کی کشتی الٹ گئی۔

کشتی میں چارٹیچرز سمیت پنتیس بچے سوار تھے، ریسکیو ذرائع کا کہنا ہے کہ تمام بچوں کو ریسکیو کر لیا گیا ہے تاہم ایک ٹیچر کی لاش نکال لی گئی۔

ریسکیوذرائع نے بتایا تمام بچوں کو اسپتال منتقل کردیا گیا ہے ، جہاں بچوں میں 4 کی حالت تشویشناک ہے۔

نجی اسکول کے بچے پکنک ٹرپ پر آئے تھے، تاہم تاہم گنجائش سے زیادہ افراد بیٹھانے پر انتظامیہ نے کوئی ایکشن نہ لیا۔

یاد رہے 4 روز قبل ٹھٹھہ میں طوفانی ہواؤں کے باعث کیٹی بندر کے قریب کشتی الٹ گئی تھی ، کشتی میں 16ماہی گیرسوار تھے، جس میں سے 9 لاپتہ افراد کی تلاش کےلیے پاک نیوی کا چوتھے دن بھی سرچ آپریشن جاری ہے۔

Comments

یہ بھی پڑھیں