The news is by your side.

Advertisement

اسکول فیسوں میں اضافے کیخلاف طلبہ اور والدین کی احتجاجی ریلی

کراچی : اسکول کی فیسوں میں اضافے کے خلاف طلبہ اور والدین سڑکوں پر نکل آئے۔

تفصیلات کے مطابق شہر قائد کے نجی اسکولوں کے طلبہ اور والدین کی جانب سے فیسوں میں اضافے کیخلاف کے ڈی اے چورنگی نارتھ ناظم آباد سے ضیاء الدین اسپتال تک احتجاجی ریلی نکالی گئی۔

طلبہ اور والدین نے نجی اسکولوں کی جانب سے فیسوں میں اضافے کو مسترد کردیا ہے،طلبہ کا کہنا ہے کہ نجی اسکولوں نے سالانہ فیس میں ایک ہزار سے دو ہزار روپے تک اضافہ جبکہ ماہانہ اسکول فیس میں دو سو روپے سے ایک ہزار روپے تک کا اضافہ کردیا ہے۔

محکمہ تعلیم پرائیوٹ انسٹی ٹیوشن کی جانب سے بھی فیسوں میں اضافے کا نوٹس نہیں لیا گیا ہے اور فیسوں میں اضافہ قواعد کے برعکس کیا گیا ہے،والدین کا کہنا ہے کہ وہ اضافی فیس ادا نہیں کریں گے، طلبہ و طالبات نے اس موقع پر بینرز اور پلے کارڈز اٹھا رکھے تھے جس میں فیسوں میں اضافے کے خلاف نعرے درج تھے۔

Print Friendly, PDF & Email

Comments

comments

یہ بھی پڑھیں