The news is by your side.

Advertisement

اسکولوں کی فیسوں میں5 فیصد سے زائد اضافہ غیرقانونی قرار

کراچی : سندھ ہائیکورٹ نے پرائیویٹ اسکولوں کی جانب سے فیسوں میں پانچ فی صد سے زیادہ اضافے کو غیر قانونی قرار دے دیا، عدالت نےاسکول مالکان کی درخواستیں مسترد کردیں۔

تفصیلات کے مطابق اسکو ل فیسوں میں ہوشربا اضافہ کی شکایت پر عدالت نے اپنا فیصلہ سنادیا، سندھ ہائیکورٹ میں چیف جسٹس سجاد علی شاہ کی سربراہی میں دو رکنی بینچ نے پرائیویٹ اسکولوں کی طرف سے فیسوں میں پانچ فی صد سے زائد اضافے کے خلاف طلبہ و طالبات کے والدین کی درخواستوں پر سماعت کی۔

مزید پڑھیں : پنجاب کے نجی اسکول من مانی فیسیں نہیں بڑھاسکیں گے

 چیف جسٹس سجاد علی شاہ کی سربراہی میں دو رکنی بینچ نے فیسوں میں اضافے کو غیر قانونی قرار دیتے ہوئے اسکول مالکان کی درخواستیں مسترد کردیں۔

مزید پڑھیں : نجی اسکولوں کی فیس میں اضافہ نہیں ہوگا: وزیراعظم

 اسکول مالکان کامؤقف تھا کہ فیسوں میں اضافہ قانون کے مطابق کیا گیا ہے۔ عدالت نے محکمہ تعلیم کو پرائیویٹ اسکولوں کے لیےنافذ قواعد پر سختی سے عمل درآمد کرنے کی ہدایت کردی۔

 

Comments

comments

یہ بھی پڑھیں