The news is by your side.

اسکول کو ٹائم بم سے اڑانے کی فون کال موصول

بھارت کی ریاست مہاراشٹر کے شہر ممبئی میں ایک اسکول کو ٹائم بم سے اڑانے کی فون کال موصول ہوئی جس کے بعد خوف و ہراس پھیل گیا۔

میڈیا رپورٹس کے مطابق نامعلوم شخص نے صبح 4 بج کر 30 منٹ پر اسکول کے لینڈ لائن نمبر پر فون کر کے دھمکی دی۔ نامعلوم شخص نے کہا: ’میں نے اسکول میں ٹائم بم رکھا ہے‘، یہ کہتے ہی اس نے فون کاٹ دیا۔

فون کال کے بعد اسکول انتظامیہ میں خوف و ہراس پھیل گیا۔ دھمکی آمیز کال کے بارے میں پولیس کو اطلاع دی گئی۔ پولیس نے نامعلوم شخص کے خلاف مقدمہ درج کر کے تحقیقات شروع کی۔

پولیس نے دعویٰ کیا کہ فون کال کرنے والے شخص کا پتا لگا لیا اور جلد ہی اسے گرفتار کرلیا جائے گا۔

Comments

یہ بھی پڑھیں