اسلام آباد: رمضان کی آمد پر اسکولوں کے اوقات کار میں تبدیلی کردی گئی، اب صبح اسکول کتنے بجے کھلیں گے؟
تفصیلات کے مطابق پنجاب حکومت نے رمضان کے دوران طلبہ اور اساتذہ کی سہولت کے لیے اسکولوں کے اوقات کار میں تبدیلی کا اعلان کردیا۔
اسکول ایجوکیشن ڈپارٹمنٹ کی جانب سے 16 فروری کو جاری نوٹیفیکیشن میں کہا گیا کہ تمام تعلیمی ادارے رمضان کے دوران نئے شیڈول کے تحت کام کریں گے۔
اسکول ٹائمنگز
سنگل شفٹ اسکول
پیر تا جمعرات: صبح 8:30 بجے تا دوپہر 1:00 بجے
جمعہ: صبح 8:30 بجے تا 12:30 بجے
ڈبل شفٹ اسکول
مورنگ شفٹ (پیر تا جمعرات): 8:30 بجے تا 12:30 بجے
ایوننگ شفٹ (پیر تا جمعرات): 1:00 بجے تا 4:00 بجے
جمعہ: ڈبل شفٹ: 2:30 بجے تا 5:00 بجے
نوٹیفیکیشن میں یہ بھی کہا گیا ہے کہ لڑکیوں کے اسکول اوپر بیان کردہ اوقات سے 15 منٹ پہلے کھلیں اور بند ہوں گے۔
یہ نیا شیڈول پورے رمضان کے دوران نافذ العمل رہے گا تاکہ روزہ رکھنے والے طلبہ اور اساتذہ کے لیے تعلیمی سرگرمیوں اور عبادات میں توازن برقرار رکھا جا سکے۔
خیال رہے پاکستان میں رمضان 2026 کا آغاز 19 فروری کو متوقع ہے، جو چاند دیکھنے کی تصدیق پر منحصر ہے۔ رمضان کے دوران روزہ صبح صادق سے مغرب تک رکھا جاتا ہے، نماز اور قرآن کی تلاوت میں اضافہ کیا جاتا ہے، اور خیرات کے اعمال کیے جاتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں