The news is by your side.

Advertisement

اسکول میں بچوں کی توڑ پھوڑ، تصاویر وائرل

الٹس: امریکی شہر الٹس کے اسکول میں توڑ پھوڑ کرنے والے پرائمری کے تین طالبعلوں کو پولیس نے گرفتار کر لیا۔

تفصیلات کے مطابق امریکی ریاست اوکلا ہاما کے شہر الٹس میں واقع اسکول میں طالبعلموں نے بغیر اجازت الٹس انٹرمیڈیٹ اسکول میں داخل ہو کر توڑ پھوڑ کی اور اسکول کی املاک کو نقصان پہنچایا۔

الٹس پولیس ڈیپارٹمنٹ نے واقعے کی تصاویر اپنے آفیشل فیس بک پیج پر شیئر کیں جو وائرل ہوگئیں۔

اسکول میں لگے سی سی ٹی وی کیمروں نے بچوں کی جانب سے اسکول کے فرش پر پینٹ پھینکنے، کمپوٹروں، دروازوں اور کھڑکیوں کو نقصان پہنچانے کے مناظر عکس بند کر لیے۔

پولیس حکام کا کہنا ہے کہ بچوں نے اسکول کو تقریباََ 50 ہزار ڈالر مالیت کا نقصان پہنچایا، پولیس نے ان طالبعلموں کو گرفتار کرنے کے بعد والدین کے سپرد کر دیا۔

Comments

یہ بھی پڑھیں