The news is by your side.

Advertisement

کورونا کی بگڑتی صورتحال، تعلیمی ادارے 11 ستمبر تک بند

لاہور/ پشاور : پنجاب اور خیبرپختونخوا میں کورونا کیسز میں اضافے کے پیش نظر تعلیمی ادارے آج سے11 ستمبر تک بند رہیں گے تاہم ایس او پیز پر عملدرآمد کو ہر ممکن یقینی بنایا جائے گا۔

تفصیلات کے مطابق وزیر تعلیم پنجاب مراد راس کی جانب سے بیان میں کہا گیا ہے کہ آج سےپنجاب میں تعلیمی ادارے 11 ستمبر تک بندکر دئیے گئے، اسکولوں کی بندش کا فیصلہ کوروناکی بگڑتی صورتحال کےباعث کیا، ایس او پیز پر عملدرآمد کو ہر ممکن یقینی بنائیں۔

دوسری جانب محکمہ تعلیم خیبرپختونخوا ذرائع کا کہنا ہے کہ صوبے کے 8 اضلاع میں آج سے11 ستمبر تک تعلیمی ادارے بند رہیں گے ، کوروناکیسزمیں اضافےپر8اضلاع میں اسکولز بند کرنے کا فیصلہ کیا گیا، جن اضلاع میں اسکول بندرہیں گے ، ان میں پشاور،سوات،صوابی،ڈی آئی خان سمیت دیگراضلاع شامل ہیں۔

یاد رہے وفاقی دارلحکومت اسلام آباد کے تعلیمی ادارے بھی 6سے11 ستمبر تک بند کرنے کا اعلان کیا گیا تھا ، ذرائع وزارت تعلیم کا کہنا تھا کہ کورونا کی صورتحال کے پیش نظر تمام سرکاری و نجی تعلیمی ادارے بند رہیں گے۔

Comments

یہ بھی پڑھیں