غزہ : فلسطین میں محصور اسکاٹ لینڈ کے فرسٹ منسٹر پاکستانی نژاد حمزہ یوسف کی اہلیہ نادیہ النکلہ کا کہنا ہے کہ ایسا لگتا ہے کہ ہم مرنے والے ہیں۔
تفصیلات کے مطابق اسکاٹ لینڈ کے فرسٹ منسٹر پاکستانی نژاد حمزہ یوسف کی اہلیہ غزہ میں محصور ہیں۔
اہلیہ نادیہ النکلہ نے بتایا کہ اسرائیلی محاصرےکی وجہ سے غزہ میں والدین کیساتھ محصورہوں، ایسا لگتا ہے کہ ہم غزہ میں مرنے والے ہیں۔
خیال رہے پاکستان نژاداسکاٹش فرسٹ منسٹرحمزہ یوسف کی اہلیہ نادیہ النکلہ فلسطینی ہیں ، نادیہ النکلہ غزہ میں والدین سے ملاقات کیلئے گئی تھیں جو اسرائیلی محاصرے کا شکار ہیں۔
یاد رہے پاکستان نژاد اسکاٹ لینڈ کے فرسٹ منسٹر حمزہ یوسف غزہ میں پھنسے رشتہ داروں کیلئے پریشان ہیں، حمزہ یوسف کا کہنا تھا کہ ان کے سسرالی غزہ میں پھنس گئے ہیں ان کےپاس کہیں جانے کی جگہ نہیں، غزہ کے شہریوں کا حماس سے تعلق نہیں۔
فرسٹ منسٹر نے کہا تھا کہ اسرائیل نے غزہ میں ہر ایک کو نکل جانے کا کہا ہے ،ڈر ہے کہ اسرائیل غزہ کو مکمل ختم کرنے جارہا ہے۔
انھوں نے بتایا تھا کہ برطانوی دفتر خارجہ کی کوششوں کے باوجود کوئی اپنے رشتہ داروں کونکال نہیں سکا، غزہ میں اپنے خاندان کے بارے میں فکرمند ہوں۔
