The news is by your side.

Advertisement

کباڑ خانے میں پڑی گاڑی نے شہری کو مالا مال کردیا

ریاض: حادثے میں جل جانے والی پرانے ماڈل کی کار نے سعودی شہری کی قسمت ہی بدل دی، ناکارہ گاڑی 30 لاکھ ریال میں فروخت ہوگئی۔

تفصیلات کے مطابق کہتے ہیں کہ قسمت کی دیوی کبھی بھی اور کہیں بھی کسی پر بھی مہربان ہو سکتی ہے اور ایسا ہی کچھ سعودی شہری کے ساتھ بھی ہوا، جب ایک تباہ شدہ کار نے اس کی زندگی ہی بدل ڈالی۔

سعودی شہری نے حادثے میں تباہ ہونے والی گاڑی کو امریکا کے عالمی نیلام گھر میں نیلامی کے لیے پیش کیا تو اسے بھی نہیں معلوم تھا کہ یہ کار 30 لاکھ ریال میں نیلام ہوگی۔

امریکی کار ساز کمپنی نے 1961 میں یہ کار کمپنی کے ایک بڑے صارف کے لیے تیار کی تھی اور اس میں ریسنگ کار کا انجن لگایا گیا تھا۔ امریکا میں اس کار کا خریدار بھی سعودی شہری ہی تھا۔

حادثے میں تباہ ہونے والی یہ گاڑی اب دوسرے سعودی شہری کی ملکیت ہے اور اسے ریاض سیزن کے موٹر شو میں رکھا گیا ہے۔ نایاب گاڑیوں کے شوقین افراد اس میں دلچسپی لے رہے ہیں۔ تباہ شدہ کار کو کمپنی کی فیکٹری میں لے جا کر دوبارہ اسے اصل حالت میں بحال کیا جائے گا۔

fb-share-icon0
Tweet 20

Comments

comments

یہ بھی پڑھیں