The news is by your side.

Advertisement

کراچی میں 6دن رہنے والی شدید گرمی کا زور ٹوٹنا شروع، سمندری ہوائیں چل پڑیں

کراچی : گرمی کےستائے کراچی والوں کیلئے اچھی خبر شہر قائد میں چھ دن رہنے والی شدیدگرمی کا زورٹوٹنے لگا اور  سمندری ہوائیں چل پڑیں ،جس کے باعث گرمی کی شدت میں کمی آسکتی ہے۔

تفصیلات کے مطابق شہر قائد کے شہریوں کو اب مزید گرمی برداشت نہیں کرنی پڑے گی، کراچی میں 6دن رہنے والا ہیٹ ویو کا سلسلہ ختم ہونے ہوگیا اور سمندری ہوائیں چلنا شروع ہوگئی ، جس سے درجہ حرارت میں کمی آگئی۔

محکمہ موسمیات نےآج درجہ حرارت 36 سے37  ڈگری تک رہنے کی پیشگوئی کی ہے۔

کراچی کاموجودہ درجہ حرارت 34 ڈگری سینٹی گریڈ اورہوا میں نمی کا تناسب 68 فیصد ہے جبکہ ہوا کی رفتار16 کلومیٹر فی گھنٹہ ریکارڈ کی گئی۔

محکمہ موسمیات کے مطابق کراچی میں جمعہ، ہفتہ اور اتوار کو درجہ حرارت معمول پر آجائے گا، لیکن  پیر سے  درجہ حرارت میں دوبارہ اضافے کا امکان ہے۔

ماہرین موسمیات کا کہنا ہے کہ کراچی میں ہیٹ ویو کی ایک بڑی وجہ درختوں کی کمی، بڑی بڑی بلڈنگیں اور الودگی ہیں جبکہ شہریوں کا کہنا ہے کراچی میں ہریالی جتنی زیادہ ہوگی سورج کی تپش اتنی ہی کم محسوس ہوگی۔

اندرون سندھ قیامت خیز گرمی کی لہر جاری ہے ، سکھر میں درجہ حرارت چھیالیس حیدرآباد میں پینتالیس ڈگری رہنے کا امکان ہے جبکہ پنجاب کے مختلف شہر بھی گرمی کے نشانے پر ہیں لاہور میں درجہ حرارت بیالیس ڈگری تک جا سکتا ہے۔

واضح رہے کہ 18 مئی کو محکمہ موسمیات نے کراچی میں ہیٹ ویو الرٹ جاری کرت ہوئے کہا تھا کہ آئندہ 6 روز کے دوران سمندری ہوائیں رُکنے سےکراچی کے شہریوں کو شدید گرمی کا سامنا کرنا پڑے گا۔

جس کے بعد شہر کے مختلف اسپتالوں میں بھی ہیٹ ویوو سے بچاؤ کے انتظامات کیے گئے تھے، ڈاکٹروں کا کہنا تھا شہری غیرضروری طور پر گھر سے نکلنے سے گریز کریں جبکہ گرمی کی شدت میں اضافے اور حبس کے باعث ماہرین نے شہریوں کو احتیاط کی ہدایت کی تھی۔

دوسری جانب محکمہ موسمیات نے آئندہ چوبیس گھنٹوں میں لاہور ،اسلام آباد، پشاور،ڈی آئی خان ،ملتان ، فیصل آباد ،سرگودھا،سکھرسمیت ملک کے بیشترعلاقوں میں موسم گرم اور خشک رہنے کی پیشگوئی کی ہے۔

گزشتہ روز سب سے زیادہ درجہ حرارت چھور میں سینتالیس ڈگری سینٹی گریڈ رہا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں