The news is by your side.

Advertisement

کراچی میں سمندری ہواؤں کا سلسلہ جاری ، محکمہ موسمیات کی اہم پیشگوئی

کراچی : شہر قائد میں سمندری ہواؤں کا سلسلہ جاری ہے تاہم مطلع جزوی طور پر ابر آلود اور موسم خشک رہے گا۔

تفصیلات کے مطابق محکمہ موسمیات کی جانب سے بیان میں کہا گیا کہ کراچی میں سمندری ہواؤں کا سلسلہ جاری ہے ، جس کے باعث صبح کے اوقات میں خنکی رہی اور کم سے کم درجہ حرارت 19 ڈگری ریکارڈ کیا گیا۔

محکمہ موسمیات کا کہنا تھا کہ موجودہ درجہ حرارت 21 ڈگری سینٹی گریڈ ، ہوا میں نمی کا تناسب 82 فیصد ہے اور سمندری ہوا 8 کلو میٹر فی گھنٹہ کی رفتارسےچل رہی ہے۔

شہر کا دن میں زیادہ سے زیادہ درجہ حرارت 31 سے 33 ڈگری تک جانے کا امکان ہے تاہم مطلع جزوی طور پر ابر آلود اور موسم خشک رہے گا۔

دوسری جانب ملک کے مختلف حصوں میں موسم سرد اور مطلع ابر آلود رہے گا، محکمہ موسمیات کے مطابق اسلام آباد میں مطلع ابر آلود اور گرج چمک کے ساتھ بارش کا امکان ہے۔

محکمہ موسمیات کا کہنا ہے کہ لاہورمیں موسم سرد ہے اور تیز ہوائیں بھی چل سکتی ہیں اور پشاور میں مطلع ابر آلود رہنے کی توقع ہے جبکہ پہاڑوں پربارش اور ژالہ باری کا امکان ہے۔

محکمہ موسمیات نے کوئٹہ میں مطلع ابر آلود اور موسم سرد رہنے کی پیشگوئی کرتے ہوئے کہا ہے کہ گلگت بلتستان میں مطلع ابرآلود اور موسم سرد رہے گا اور مظفر آباد میں موسم سرد رہنےکے علاوہ آندھی اورگرج چمک کے ساتھ بارش کی توقع ہے۔

Comments

یہ بھی پڑھیں