The news is by your side.

Advertisement

بھارت میں فانی نامی سمندری طوفان سے ہلاکتیں بڑھ کر41ہوگئیں

سترہ ہزار جانور بھی ہلاک، سمندری طوفان سے ہزاروں دیہات، سڑکیں بجلی اور ٹیلی فون تاروں کو نقصان پہنچا، حکام

نئی دہلی : بھارت میں گزشتہ ہفتے رونما ہونے والے فانی سمندری طوفان میں ہلاکتوں کی تعداد بڑھ کر41ہو گئی ہے۔اب تک ہزاروں دیہات تباہ اور سڑکوں،  اسکولوں و دیگر املاک کو بھی ناقابل تلافی نقصان ہوا ہے۔

بھارتی ٹی وی کے مطابق فانی طوفان کے بعد حال ہی میں بھو بنسوار شہر میں ہلاکتوں کے بعد صوبے بھر میں مجموعی ہلاکتوں کی تعداد41ہو گئی ہے۔17 ہزار 280 جانوروں کے تلف ہونے والے سمندری طوفان سے 14 ہزار 835 دیہات، سڑکیں بجلی اور ٹیلی فون تاروں کو نقصان پہنچا۔

ہنگامی صورتحال سے متعلق حکام کا کہنا تھا کہ سب سے زیادہ مالی نقصان پوری علاقے کو پہنچا اور صوبے میں ایک ہزار سے زائد ہیلتھ سنٹرز اور تقریباً چھ ہزار اسکولوں کو بھی نقصان پہنچا ہے۔

یاد رہے کہ بھارت میں سمندری طوفان فانی کی تباہ کاریاں جاری ہیں، چار مئی کو بھارتی ریاست اڑیسہ میں آنے والے طوفان سے ہلاکتوں کی تعداد میں دن بہ دن اضافہ ہورہا ہے جبکہ املاک کو بھی شدید نقصان پہنچا ہے۔

سڑکوں پر گرے درخت اٹھانے کا کام جاری ہے۔ بھارت میں فانی نامی طوفان مغربی بنگال میں ہفتہ کی صبح داخل ہوگیا ، ہواؤں کی رفتار 90 کلومیٹر فی گھنٹہ رکارڈ کی گئی تھیں۔

طوفان فانی کے زیر اثر کولکتہ، دیگر علاقوں میں شدید بارشیں ہوئیں، درخت جڑ سے اکھڑ گئے جبکہ متعدد پروازیں بھی معطل ہوگئیں۔

Comments

یہ بھی پڑھیں