کانو: نائیجیریا کی حکومت نے ہتھیار ڈالنے والے ڈاکوؤں کو دو گائے دینے کی انوکھی پیشکش کی ہے۔
تفصیلات کے مطابق نائیجیریا کی زامفارہ ریاست کے حکام نے ہتھیار ڈالنے والے ڈاکوؤں کو فی کس دو گائے دینے کی منفرد پیشکش کی ہے۔گورنر بیلو ماتوالی کا کہنا ہے کہ ایک بندوق حکومت کے پاس جمع کرانے والے ڈاکو یا اجرتی مجرم کو دو زندہ گائے کی شکل میں معاوضہ دیا جائے گا۔
گورنر زامفارہ کے مطابق یہ علاقہ اغوا کاروں، مسلح شدت پسندوں، راہزنوں اور مویشی چوروں کا نشانہ بنا ہوا ہے۔ انہوں نے بتایا کہ اس پیشکش کا مقصد ڈاکوؤں کو اپنے ہتھیار ڈالنے پر امادہ کرنا ہے۔حکومت کی جانب سے ڈاکوؤں کو کی جانے والی پیشکش کا اب تک کوئی جواب نہیں ملا۔
خیال رہے کہ شمال مغربی نائیجیریا میں لوٹ مار اور اغوا برائے تاوان کے بڑھتے جرائم کے بعد 2011 کے بعد اب تک 8 ہزار افراد ہلاک اور دو لاکھ بے گھر ہوچکے ہیں۔
