امریکی وزیر دفاع لائیڈ آسٹن نے کہا ہے کہ پاکستان کی مسلح افواج کے سربراہ جنرل قمر جاوید باجوہ کی پینٹاگون میں میزبانی پر خوشی ہوئی۔
امریکی وزیر دفاع لائیڈ آسٹن نے آرمی چیف جنرل قمر جاوید باجوہ کے دورہ امریکا کے دوران واشنگٹن میں ملاقات پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
لائیڈ آسٹن نے کہا کہ پاک امریکا تعلقات کے 75 سال منا رہے ہیں، پاکستانی آرمی چیف کی پینٹاگون میں میزبانی پر خوشی ہوئی، ملاقات میں دفاعی شراکت داری اور باہمی امور پر بات چیت ہوئی۔
This year marks the 75th anniversary of relations between the U.S. and 🇵🇰 Pakistan. It was my pleasure to host Pakistan’s Chief of Army Staff, General Qamar Javed Bajwa, to the Pentagon where we discussed our long-standing defense partnership and areas of mutual interest. pic.twitter.com/ptiZDiqc8I
— Secretary of Defense Lloyd J. Austin III (@SecDef) October 5, 2022
دریں اثنا آرمی چیف جنرل قمر جاوید باجوہ کے اعزاز میں واشنگٹن میں پاکستانی سفارتخانے میں ظہرانہ دیا گیا جس میں پاکستانی اور امریکی تھنک ٹینک کے اراکین نے شرکت کی۔
آرمی چیف نے اس موقع پر پاک امریکا تعلقات پر اظہار خیال کیا اور پاکستان میں سیلاب متاثرین کی مدد کے لے فوج کی کاوشوں سے آگاہ کیا۔
