The news is by your side.

Advertisement

انسداد پولیو مہم دوسرے روز بھی کام یابی سے جاری رہی

فیس بک پر پولیو مخالف 31 پیجز بلاک کیے گئے

اسلام آباد: انسدادِ پولیو مہم دوسرے روز بھی کام یابی سے جاری رہی، سوشل میڈیا پر پولیو مہم کے خلاف پروپیگنڈا کرنے والوں کے خلاف کارروائی کی گئی۔

تفصیلات کے مطابق پولیو کے خاتمے کے لیے شروع کی گئی مہم کا آج دوسرا دن تھا، فیس بک پر پولیو مخالف 31 پیجز آج بلاک کیے گئے۔

انسداد پولیو کے خلاف مواد اَپ لوڈ کرنے والوں کو وارننگ بھی جاری کی گئی، پاک فوج، محکمہ پولیس اور دیگر اداروں کی شب و روز کاوشوں پر خراج تحسین پیش کیا گیا۔

ادھر آل پاکستان مسلم لیگ نے بھی پولیو مہم کی حمایت کا اعلان کیا ہے اور حکومتی اقدامات اور کارکردگی کی تعریف کی۔

یہ بھی پڑھیں:  پولیو ورکرز کو بہبود آبادی پرعوامی شعور بیدار کرنے کا ٹاسک سونپ دیا گیا

اے پی ایم ایل نے اپنے پیغام میں کہا کہ قوم انسداد پولیو مہم کی کام یابی کے لیے حکومت کا ساتھ دے، پولیو وائرس کا خاتمہ بچوں کے مستقبل کا سوال ہے، بابر بن عطا انسداد پولیو کے لیے پُر خلوص کوشش کر رہے ہیں۔

دریں اثنا، وزیر اعظم کے معاون بابر بن عطا نے انسداد پولیو ٹیموں کے نام ٹویٹر پر اپنے پیغام میں کہا کہ ذیلی انسداد پولیو مہم دوسرے روز بھی کام یابی سے جاری ہے، ملک سے پولیو کے مکمل خاتمے کے لیے پوری قوم متحد ہے۔

انھوں نے کہا کہ پولیو مہم کے خلاف پروپیگنڈا کرنے والوں کے خلاف کارروائیاں کی جا رہی ہیں، فیس بک پیجز پر پولیو مہم کے نیک مقصد کے خلاف پروپیگنڈا کیا گیا۔

بابر بن عطا کا کہنا تھا کہ پولیو ورکرز اب حکومت کو ہمیشہ اپنے ساتھ کھڑا پائیں گے۔

Comments

comments

یہ بھی پڑھیں