لاہور: پی ایس ایل میں شامل قومی کھلاڑی کرونا ویکسین کی دوسری ڈوز کے لئے پریشان دکھائی دیتے ہیں، ایسے میں بورڈ کے روئیے نے معاملات کو مزید الجھادیا ہے۔
رواں ماہ پاکستان کرکٹ کا مقبول ترین ٹورنامنٹ پی ایس ایل کھلاڑیوں میں مثبت کرونا کیسز رپورٹ ہونے کے باعث ملتوی کردیا گیا تھا، کھلاڑیوں کو مزید متاثر ہونے سے بچانے کے لئے پی سی بی نے فوری طور پر کھلاڑیوں کو کووڈ ویکسین لگانے کا فیصلہ کیا۔
کیا ہی اچھا ہوتا پاکستان کرکٹ بورڈ اپنے ریجنل فزیوز/ڈاکٹرز کو یہ ویکسین فراہم کرتا تاکہ کرکٹرز و آفیشلز ان سے یہ ویکسین لگوا لیتے ۔۔۔۔ یہ کھلاڑیوں کی استدعا بھی ہے۔۔۔۔ pic.twitter.com/OmJ3PQL69M
— Shoaib Jatt (@Shoaib_Jatt) March 24, 2021
پی سی بی کی جانب سے رواں ماہ کی پانچ تاریخ کو کراچی میں پی ایس ایل میں شامل کھلاڑیوں کو کرونا سے بچاؤ کی پہلی ویکسین فراہم کی گئی تھی، پی ایس ایل ملتوی ہونےکےبعدکھلاڑی اپنے اپنےشہروں کو چلےگئے تھے، مجموعی طور پر 112 کھلاڑیوں اور حکام نے کرونا ویکسین لگوائی تھی جبکہ 190 نے ویکسین لگوانے سے انکار کردیا تھا۔
شیڈول کے مطابق اب ان کھلاڑیوں کو کرونا ویکسین کی دوسری ڈوز کل یعنی 25 مارچ کو لگوانی ہوگی، ویکیسن کا وقت قریب آنے پر کھلاڑیوں نے بورڈٖ سے رابطہ کیا تو پی سی بی کے ڈاکٹر نے کھلاڑیوں کو ہدایت کی کہ دوسری ویکسین لگوانی ہے تو لاہور آجاؤ، جس پر کرکٹرز نے موقف اپنایا کہ ڈوز لگوانےدور دراز کے علاقوں سےکیسے لاہور آسکتےہیں؟
جس پر کرکٹ بورڈ کے ڈاکٹر نے کھلاڑیوں کو مشورہ دیا کہ لاہور نہیں آسکتے تو ویکسین اپنے علاقوں میں لگوالیں۔