The news is by your side.

Advertisement

نواز شریف کا دوسرا طبی معائنہ مکمل، رپورٹ تسلی بخش قرار

راولپنڈی: سابق وزیر اعظم نواز شریف کا اڈیالہ جیل میں دوسرا طبی معائنہ مکمل کرلیا گیا۔ ماہرین نے ان کی تمام رپورٹس کو تسلی بخش قرار دیا۔

ذرائع کا کہنا ہے کہ اڈیالہ جیل میں قید سابق وزیر اعظم نواز شریف کا دوسرا طبی معائنہ مکمل کرلیا گیا۔ نواز شریف کی اسپتال منتقلی کا فیصلہ تاحال نہ ہوسکا۔

نواز شریف کا معائنہ پمز اسپتال کے ڈاکٹر نعیم نے کیا۔ معائنہ ٹیم ڈاکٹر، پیرا میڈیکس، ایکو فزیالوجسٹ پر مشتمل تھی۔

نواز شریف کی ایکو کارڈیو گرافی، الٹرا ساؤنڈ، ایکو ٹیسٹ کیا جبکہ ان کا بلڈ پریشر، شوگر لیول بھی چیک کیا گیا۔

طبی ماہرین نے نواز شریف کی ای سی جی اور ایکو رپورٹ تسلی بخش قرار دی۔

پمز اسپتال ذرائع کا کہنا ہے کہ میڈیکل بورڈ کا مشاورتی اجلاس پمز اسپتال میں جاری ہے۔ اجلاس میں نواز شریف کی ایکو، ای سی جی اور الٹرا ساؤنڈ رپورٹس کا جائزہ لیا۔

ذرائع کے مطابق میڈیکل بورڈ نواز شریف کی صحت سے متعلق لائحہ عمل تجویز کرے گا۔

معائنے کے دوران ماہر امراض قلب نے نواز شریف کو دل کی ادویات جاری رکھنے اور انہیں پانی کے زیادہ استعمال کا مشورہ دیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں