The news is by your side.

Advertisement

کے پی کے میں دوسرے مرحلے کے بلدیاتی انتخابات سے متعلق اہم اعلان

اسلام آباد: کے پی میں بلدیاتی الیکشن کے دوسرے مرحلے کے انعقاد سے متعلق الیکشن کمیشن کا اہم ترین فیصلہ سامنے آگیا ہے۔

ذرائع کے مطابق الیکشن کمیشن نے کے پی بلدیاتی الیکشن کو دو ماہ معطل کرنے کا فیصلہ کیا ہے یہ فیصلہ موسم کی شدت کے باعث کیا۔

الیکشن کمیشن نے اس سے قبل خیبرپختونخوا میں دوسرے مرحلے کے بلدیاتی انتخابات 16 جنوری کو کرانے کا فیصلہ کیا تھا۔

صوبے میں ہونے والے دوسرے مرحلے کے بلدیاتی انتخابات میں ہزارہ اور مالا کنڈ ڈویژن سمیت دیگر 18 اضلاع میں الیکشن ہوں گے۔

یہ بھی پڑھیں: حالیہ بلدیاتی الیکشن جدید نظام کا آغاز ہے: وزیر اعظم

واضح رہے کہ پہلے مرحلے میں خیبرپختون خواہ کے 17 اضلاع میں بلدیاتی انتخابات کا انعقاد کیا گیا تھا، جس میں وفاقی اور صوبائی حکومتی جماعت تحریک انصاف کو بدترین شکست کا سامنا کرنا پڑا جبکہ جمعیت علما اسلام پاکستان (فضل الرحمان گروپ) نے حیران کن نتائج دئیے۔

الیکشن میں ہونے والی شکست کے بعد وزیراعظم عمران خان نے گورنر خیبرپختون خواہ سے رپورٹ بھی طلب کی تھی جبکہ پنجاب کے بلدیاتی انتخابات کی نگرانی خود کرنے اور امیدوار کے معاملے میں کارکنان کے تحفظ دور کرنے کا اعلان بھی کیا ہے۔

Comments

یہ بھی پڑھیں