The news is by your side.

Advertisement

نیا پاکستان منزلیں آسان پروگرام کے دوسرا مرحلے کا آغاز

لاہور : نیا پاکستان منزلیں آسان پروگرام کے دوسرے مرحلے کا آغاز کردیا گیا ، دوسرے مرحلے میں مجموعی طور پر 154دیہی سڑکوں کی تعمیر و مرمت کی جائے گی۔

تفصیلات کے مطابق عثمان بزدارکی ہدایت پرنیا پاکستان منزلیں آسان پروگرام کے دوسرا مرحلے کا آغاز کردیا گیا۔

وزیراعلیٰ پنجاب عثمان بزدار نے کہا ہے کہ دوسرے مرحلے میں 14ارب روپےسےدیہی علاقوں میں کارپٹڈسڑکیں بنائی جائیں گی اور دوردرازدیہی علاقوں میں1076کلومیٹرسڑکیں تعمیرہوں گی۔

عثمان بزدار کا کہنا تھا کہ مجموعی طور پر 154دیہی سڑکوں کی تعمیر و مرمت کی جائے گی، دیہی سڑکوں کی تعمیر سے کھیت تامنڈی رسائی بہتر ہوگی، کاشتکارکو اپنی فصل بروقت مارکیٹ تک پہنچانےمیں مددملےگی۔

انھوں نے کہا کہ یہ تحریک انصاف کی حکومت کافلیگ شپ پروگرام ہے،ماضی کی حکومت نےشوبازی زیادہ کی اورکام کم کئے ، ہماری حکومت نے عوام کی فلاح و بہبودکیلئےصرف کام ہی کئےہیں۔

یاد رہے وزیراعظم عمران خان نے دورہ لاہور میں نیا پاکستان ، منزلیں آسان پروگرام کے دوسرے مرحلے کا افتتاح کیا تھا۔

نیا پاکستان، منزلیں آسان پروگرام کے دوسرے مرحلے کے افتتاح کے موقع پر وزیر اعظم کو پنجاب میں قانون سازی اورصحت کارڈز کے اجراء پر بریفنگ دی گئی تھی۔

Comments

یہ بھی پڑھیں