The news is by your side.

Advertisement

دوسرا پریکٹس میچ: پاکستان کی آسٹریلیا کے خلاف بیٹنگ جاری

پرتھ: آسٹریلیا کے خلاف ٹیسٹ سیریز سے قبل اپنی صلاحیتوں کو نکھارنے کے لیے قومی ٹیم آج دوسرے پریکٹس میچ میں کرکٹ آسٹریلیا الیون کے مدمقابل ہے۔

تفصیلات کے مطابق پاکستان ٹیسٹ ٹیم اور آسٹریلیا اے کے درمیان دو روزہ پریکٹس میچ پرتھ میں کھیلا جارہا ہے، پریکٹس میچ میں ٹاس جیت کر پاکستان کی بیٹنگ جاری ہے۔ پہلی اننگ میں شان مسعود 74 اور امام الحق 84 رنز بنا کر آؤٹ ہوئے۔

اظہرعلی بخار اور گلے کے انفیکشن کے باعث پلائنگ الیون کا حصہ نہیں ہیں ان کی جگہ اسد شفیق کپتانی کے فرائض انجام دے رہے ہیں، پہلے میچ میں اچھی کارکردگی کے باعث ٹیم کا مورال بلند ہے، پرتھ میں جاری دوسرا پریکٹس میچ دو روز پر مشتمل ہے۔

خیال رہے کہ پاکستان اور آسٹریلیا اے کے درمیان پرتھ میں کھیلا جانے والا پہلا تین روزہ پریکٹس میچ ڈرا ہوا تھا، 459 رنز کے ہدف کے تعاقب میں آسٹریلیا اے کی ٹیم نے آخری روز 2 وکٹوں پر 91 رنز بنائے تھے۔

پاکستان کے خلاف آسٹریلوی ٹیسٹ اسکواڈ کا اعلان

دوسری جانب آسٹریلیا نے پاکستان کے خلاف ٹیسٹ سیریز کے لیے اسکواڈ کا اعلان کردیا، دونوں ٹیموں کے درمیان پہلا ٹیسٹ 21 نومبر سے برسبین میں شروع ہوگا۔ پاکستان سے دو دو ہاتھ کرنے کے لیے کپتان ٹم پین، ڈیوڈ وارنر، اسٹیو اسمتھ، مچل اسٹارک، کیمرون بینکروفٹ، جوبرنز، پیٹ کمنز اور جوش ہیذل ووڈ اسکواڈ میں شامل کیے گئے ہیں۔

اس کے علاوہ دیگر کھلاڑیوں میں ٹریوس ہیڈ، لبوشین، نیتھن لائن، مائیکل نیسر، جیمز پیٹنسن اور میتھیو ویڈ بھی اسکواڈ کا حصہ ہوں گے، پاکستان اور آسٹریلیا کے درمیان 2 ٹیسٹ میچز کی سیریز کھیلی جائے گی، دونوں ٹیموں کے درمیان پہلا ٹیسٹ 21 نومبر سے برسبین میں شروع ہوگا۔

Comments

comments

یہ بھی پڑھیں