حکومت اورپالپا کے درمیان مذاکرات ناکام، حکومت قومی ایئرلائن کی نجکاری کاارادہ رکھتی ہے، صدر پالپا -
The news is by your side.

Advertisement

حکومت اورپالپا کے درمیان مذاکرات ناکام، حکومت قومی ایئرلائن کی نجکاری کاارادہ رکھتی ہے، صدر پالپا

اسلام آباد:حکومت اورپائلٹس کی تنظیم پالپا کےمذاکرات ناکام ہوگئے ہیں وزیراعظم کے مشیرنے پائلٹس کے مطالبات ماننےسےانکارکردیا جبکہ پالپاکے صدرعامرہاشمی کا کہنا ہے کہ حکومت قومی ائیرلائن کی نج کاری کا ارادہ رکھتی ہے۔

پالپاکےنمائندوں نے آج اورکل وزیر اعظم کے معاون خصوصی شجاعت عظیم سے مذاکرات کیے جو کہ بے نتیجہ ثابت ہوئے۔

شجاعت عظیم کاکہنا تھا کہ مطالبات سمجھ سے بالاتر ہیں پائلٹس کے خلاف کارروائی کی جاسکتی ہے، انہوں نے مذاکرات سے متعلق اپنی سمری وزیراعظم کوارسال کردی ہے۔

سول ایوی ایشن اتھارٹی کے ترجمان شیرعلی خان نے میڈیا سے گفتگو کرتے ہوئے کہا کہ پالپا کے تین مطالبات منظورنہیں کئے جاسکتے ہیں۔

دوسری جانب صدر پالپا کا کہنا ہے کہ وہ چاہتے ہیں سول ایوی ایشن کا تجربہ رکھنے والے لوگوں کو سامنے لایا جائے

اسلام آباد میں پارلیمنٹ ہا ؤس کے باہر میڈیا سے گفتگو کے دوران ان کا کہنا تھا کہ وزیر اعظم کے مشیر ہوا بازی شجاعت عظیم سے شرط رکھی ہے کہ مذاکرات میں ایک غیر جانبدار نمائندہ شریک ہو۔

انھوں نے کہا کہ پی آئی اے میں جنگل کا قا نون نا فذ ہے اورشجاعت عظیم بغیر میرٹ اور قابلیت کے کسی کو بھی ایم ڈی پی آئی اے اورڈی جی سول ایوی یشن تعینات کردیتے ہیں جبکہ ڈائریکٹر فلائٹ آپریشن کی تعیناتی بھی غیر قانونی ہے۔

ایک سوال کے جواب میں انھوں نے کہا کہ پالپا جعلی ڈگری ہو لڈرز اور سمگلنگ کر نے والے پائیلٹس کے ساتھ کبھی کھڑا نہیں ہوا۔

Comments

comments

یہ بھی پڑھیں