پاکستان نے دوسرے ٹی ٹوئنٹی میں ویسٹ انڈیز کو 09رنز سے شکست دے کر تین میچوں کی سیریز 2-0 سے جیت لی۔
نیشنل اسٹیڈیم کراچی میں کھیلے گئے سیریز کے دوسرے میچ میں پاکستان کے 173 رنز کے تعاقب میں ویسٹ انڈیز کی پوری ٹیم 163 پر ڈھیر ہو گئی۔
برینڈن کنگ کی 67 رنز کی اننگز بھی ویسٹ انڈیز کو شکست سے نہ بچاسکی، شیفرڈ 35 رنز کے ساتھ ناٹ آؤٹ رہے۔
All smiles!! 😍😍 pic.twitter.com/v0rVzb3uQ9
— Pakistan Cricket (@TheRealPCB) December 14, 2021
نکولس پورن 26 رنز پر محمد نواز کا نشانہ بنے، اوڈین اسمتھ 12 رنز بنا کر پویلین لوٹ گئے۔
پاکستان کی جانب سے شاہین شاہ آفریدی نے تین، محمد نواز، محمد وسیم جونیئر اور حارث رؤف نے دو، دو وکٹیں حاصل کیں۔
Top work boys!
Another T20I series win for 🇵🇰 pic.twitter.com/tACyCH1X65— Pakistan Cricket (@TheRealPCB) December 14, 2021
اس سے قبل پاکستان نے مقررہ اوورز میں 7 وکٹوں کے نقصان پر 172 رنز بنائے اور ویسٹ انڈیز کو جیت کے لیے 173 رنز کا ہدف دیا تھا۔
افتخار احمد نے 32 رنز کی جارحانہ اننگز کھیلی، محمد رضوان نے 38 رنز کی ذمہ دارنہ اننگز کھیلی، کپتان بابر اعظم 7 رنز بنا کر رن آؤٹ ہوئے، حیدر علی 31 رنز کے ساتھ نمایاں رہے۔
Two SMASHING hits in @IftiAhmed221 breezy 32#PAKvWI#HumTouKhelainGey pic.twitter.com/aJhiUvBD0U
— Pakistan Cricket (@TheRealPCB) December 14, 2021
فخر زمان 10 رنز بنا کر چلتے بنے، محمد نواز ایک رن بنا کر واش کا نشانہ بنے، آصف علی کو 9 رنز پر شیفرڈ نے پویلین روانہ کیا۔
شاداب خان نے 12 گیندوں پر28 رنز کے ساتھ ناٹ آؤٹ رہے، ان کی اننگز میں 2 چھکے اور ایک چوکا شامل تھا۔
Fine diving effort as Asif Ali is dismissed#PAKvWI #HumTouKhelainGey pic.twitter.com/YgrgzeYjyI
— Pakistan Cricket (@TheRealPCB) December 14, 2021
ویسٹ انڈیز کی جانب سے اوڈین اسمتھ نے دو کھلاڑیوں کو پویلین کی راہ دکھائی، اکائل حسین، ہیڈن واش، روماریو شیفرڈ نے ایک، ایک وکٹ حاصل کی۔
اس سے قبل کپتان بابراعظم نے ٹاس جیتا اور بیٹنگ کو ترجیح دی تھی، پاکستان نے وننگ کمبینیشن کو برقرار رکھتے ہوئے ٹیم میں کوئی تبدیلی نہیں کی تھی۔
گذشتہ روز کھیلے گئے سیریز کے افتتاحی میچ میں پاکستان نے شاندار کارکردگی کا مظاہرہ کرتے ہوئے ویسٹ انڈیز کو 63 رنز سے شکست دی تھی،نیشنل اسٹیڈیم کراچی میں کھیلے گئے میچ میں قومی ٹیم کے 201 رنز کے پہاڑ جیسے ہدف کے تعاقب میں مہمان ٹیم ریت کی دیوار ثابت ہوئی اور پوری ٹیم 137 رنز پر ڈھیر ہوئی۔
