The news is by your side.

Advertisement

جعلی ویب سائٹ پر سرمایہ کاری، ایس ای سی پی نے خبردار کر دیا

کراچی: سیکیورٹیز اینڈ ایکسچینج کمیشن آف پاکستان نے خبردار کیا ہے کہ جعلی ویب سائٹ پر سرمایہ کاری نہ کی جائے۔

تفصیلات کے مطابق ایس ای سی پی نے ایک انتباہ جاری کیا ہے  جس میں آل پاکستان پراجیکٹس نامی ایک ویب سائٹ کے حوالے سے خبردار کیا گیا ہے۔

ایس ای سی پی کا کہنا ہے کہ آل پاکستان پراجیکٹس نامی ویب سائٹ پر آن لائن انویسٹمنٹ سے باز رہیں۔

ایس ای سی پی نے عوام کو جعلی سرمایہ کار کمپنیوں سے ہوشیار رہنے کا انتباہ جاری کرتے ہوئے کہا کہ کسی کمپنی کا سرمایہ کاری کے لیے رقوم اکٹھی کرنا غیر قانونی سرگرمی ہے۔

کمیشن نے کہا کہ عوام غیر حقیقی منافع دینے والی کمپنیوں سے محتاط رہیں، او پُر کشش منافع کے لالچ میں گمراہ نہ ہوں۔

ایس ای سی پی کا کہنا تھا کہ اس انتباہ کا مقصد عوام کے مفادات کا تحفظ یقینی بنانا ہے۔

Comments

یہ بھی پڑھیں