The news is by your side.

Advertisement

اکاؤنٹنگ اور مالیاتی رپورٹنگ کے قومی معیارات کی پیروی کی منظوری

سکیورٹیز اینڈ ایکسچینج کمیشن نے کمپنیز آرڈیننس کے تحت تشکیل شدہ غیر منافع بخش اداروں کے لیے اکاؤنٹنگ اور مالیاتی رپورٹنگ کے قومی معیارات کی پیروی کی منظوری دے دی۔ اس ضمن میں نوٹیفکیشن جاری کر دیا گیا ہے۔

ترجمان کے مطابق نوٹیفکیشن میں غیر منافع بخش تنظیموں کو پابند بنایا گیا ہے کہ وہ انسٹی ٹیوٹ آف چارٹرڈ اکاؤنٹنٹس پاکستان کے جاری کردہ اکاؤنٹنگ معیار کی پیروی کریں۔ غیر منافع بخش تنظیمیں اکاؤنٹنگ اور مالیاتی رپورٹنگ کے معیارات گزشتہ سال کے محاسبہ شدہ مالی گوشوارے کی بنیاد پر تیار کریں گی۔

ایس ای سی پی نے تمام غیر منافع بخش تنظیموں کے لیے لازم قرار دیا ہے کہ وہ یکم جولائی 2015 اور اس کے بعد شروع ہونے والے مالی سال کے لیے اس اطلاع نامے کے تقاضوں کی پابندی کریں۔

Comments

comments

یہ بھی پڑھیں