The news is by your side.

Advertisement

آف شورکمپنیزاوربیرون ملک اثاثے قانونی قرار، نیا کمپنیز ایکٹ نافذ

اسلام آباد : آف شور کمپنیز اور بیرون ملک اثاثے قانون کے دائرے میں آگئے۔ تینتیس سال پرانا کمپنیز آرڈیننس منسوخ کرکے نیا قانون کمپنیز ایکٹ دوہزارسترہ نافذ کردیا گیا۔ صدر مملکت ممنون حسین نے دستخط کردیئے۔

تفصیلات کے مطابق سیکیورٹیز اینڈ ایکسچینج کمیشن کےمطابق صدر مملکت ممنون حسین نے نئےکمپنیز ایکٹ 2017 پر دستخط کردیئے ہیں جس کےبعد 1984کا تینتیس سال پرانا کمپنیز آرڈیننس منسوخ ہوگیا ہے۔

ایس ای سی پی کے ذرائع نے اے آر وائی نیوز کو بتایا کہ نئےایکٹ سے بیرون ملک اثاثوں کی معلومات دینا قانون کےدائرے میں آگیا ہے۔

پاکستان میں کسی کمپنی کےڈائریکٹر یا شیئرہولڈر کے بیرون ملک اثاثوں کی جانچ پڑتال کی جاسکےگی۔ ٹیکس اینڈ لاء حکام آف شور کمپنیز سے متعلق معلومات حاصل کرسکیں گے۔

ترجمان ایس ای سی پی کےمطابق نیا قانون کارپوریٹ سیکٹر میں نئی جدت پیدا کرے گا۔ کمپنیز ایکٹ دوہزار سترہ پاکستان کاطویل ترین قانون ہے۔ جس میں 515شقیں اُور آٹھ شیڈول ہیں۔ اس ایکٹ کی تیاری میں 12سال کا عرصہ لگا۔

مذکورہ کمپنیز بل18نومبر 2016کو قومی اسمبلی میں پیش کیا گیا تھا جہاں سے 6 فروری کو اور سینیٹ سے15مئی کو منظور ہوا۔ نئےایکٹ کے نفاذ سے پاکستان کا کمپنی لاء ترقی یافتہ ممالک کے ہم پلہ ہوگیا ہے۔

Print Friendly, PDF & Email

Comments

comments

یہ بھی پڑھیں