site
stats
پاکستان

ظفرحجازی اسپتال سے ڈسچارج، ریمانڈ پرایف آئی اے کے حوالے

اسلام آباد : ایس ای سی پی کے سابق چیئرمین ظفرحجازی کو پمز اسپتال سے ڈسچارج کردیا گیاہے، انہیں اسپتال سے ایف آئی اے کے دفتر لے جایا گیا۔

تفصیلات کے مطابق چوہدری شوگر ملز کے ریکارڈ میں ٹیمپرنگ کے مقدمے میں ملوث ایس ای سی پی کے سابق چیئرمین ظفرحجازی کو طبیعت بہتر ہونے پر پمز اسپتال سے ڈسچارج کردیا گیا ہے۔

ذرائع کا کہنا ہے کہ ظفر حجازی کو اسپتال سے ایف آئی اے کے دفتر لے جایا گیا ہے جہاں ان سے مزید تفتیش کی جائے گی، عدالت نے ظفر حجازی کو چار روزہ جسمانی ریمانڈ پر ایف آئی اے کےحوالے کیا ہے۔

مزید پڑھیں: چیئرمین ایس ای سی پی ظفرحجازی کوگرفتارکر لیا گیا

واضح رہےکہ ظفر حجازی کی گرفتاری کا حکم عدالت نے درخواست ضمانت کی گزشتہ سماعت کے موقع پر دیا تھا، جس کے بعد انہیں کمرہ عدالت سے گرفتار کرلیا گیا لیکن طبیعت ناساز ہونے پر انہیں جیل کے بجائے پمز اسپتال لے جایا گیا جہاں انہیں ایف آئی اے کی جانب سے مبینہ طور پر مکمل پروٹوکول دیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top