The news is by your side.

Advertisement

کراچی، پہلی لیبرکانفرنس 24 جنوری کو منعقد ہو گی

کراچی: پہلی بین الاقوامی دوروزہ سہ فریقی لیبر کانفرنس 24 تا 25جنوری کراچی کے مقامی ہوٹل میں منعقد ہوگی، کانفرنس کا افتتاح وزیراعلیٰ سندھ مراد علی شاہ کریں گے۔

تفصیلات کے مطابق وزیراعلیٰ سندھ کی ہدایت پر سندھ حکومت پہلی سہ فریقی دو روزہ بین الاقوامی لیبر کانفرنس کا انعقاد 24 تا 25جنوری 2017 کو کررہی ہے جس میں چاروں صوبائی وزراء اعلیٰ سمیت صوبائی وزراء، انٹرنیشنل لیبر آرگنائزیشن کے کنٹری منیجر شرکت کریں گے۔

کراچی میں منعقد ہونے الی سہ فریقی انٹرنیشنل لیبر کانفرنس میں بین الاقوامی تنظیم برائے محنت کش (ILO)، یونیسیف، یو این ڈی پی، ورلڈبینک اور ایشیائی ترقیاتی بینک کے وفود بھی شرکت کریں گے اور اپنے مشوروں اور تجربات سے سامعین کو آگاہ کریں گے۔

صوبائی سیکریٹری محنت و انسانی وسائل رشیداحمدسولنگی نے کہاکہ مشیر محنت و انسانی وسائل سعید غنی صوبے کے محنت کشوں کو انکے جائز حقوق دلانے اور عالمی سطح پر رائج قوانین متعارف کروانے کے لئے دن رات کوشاں ہیں اور یہ بین الاقوامی کانفرنس اسی سلسلے کی کڑی ہے۔

انہوں نے مذید بتایا کہ دو روزہ بین الاقوامی لیبر کانفرنس کے دوران سندھ میں رائج لیبر قوانین، محکمہ محنت کے مختلف اداروں کے تحت لیبر انسپکشن کا طریقہ کار، سندھ سوشل سیکورٹی کے تحت محنت کشوں کو دی جانے والی طبی و مالی سہولیات اور دیگر اداروں کے تحت محنت کشوں اور ان کے ورثاء کو حاصل فوائد کے علاوہ مختلف لیبر پیکجز کا بھی جائزہ لیا جائے گا اور سفارشات مرتب کی جائیں گی۔

Print Friendly, PDF & Email

Comments

comments

یہ بھی پڑھیں