The news is by your side.

Advertisement

سندھ کے سیکریٹری جمیل بدر لا پتا ہو گئے

کراچی: صوبہ سندھ کے سیکریٹری محکمہ انسانی حقوق جمیل بدرمیندھرو لا پتا ہو گئے، ان کی اہلیہ نے پولیس کو گھر آنے سے روک دیا۔

تفصیلات کے مطابق سندھ کے سیکریٹری محکمہ انسانی حقوق سندھ جمیل بدر میندھرو مبینہ طور پر کل سے لا پتا ہیں، ان کی اہلیہ نے آج اے آر وائی نیوز سے فون پر گفتگو کرتے ہوئے کہا وزیر اعلیٰ کو کہا ہے بدر جمیل کو تلاش کرکے لائیں۔

اہلیہ بدر جمیل نے بتایا کہ میں نے پولیس کو گھر پر آنے سے منع کر دیا ہے، جمیل بدر کل صبح ساڑھے دس بجے دفتر گئے تھے، دفتر کے بعد انھوں نے کہا میں ڈیفنس جا رہا ہوں، لیکن پھر گھر نہیں لوٹے، وہ کل سے غائب ہیں، فون پر بھی رابطہ نہیں ہو پا رہا۔

اینٹی کرپشن کی سال 2020 کی پہلی بڑی کارروائی

اے آر وائی نیوز کے نمایندے کے مطابق اہلیہ جمیل بدر میندھرو کو پولیس افسران نے فون کیے لیکن انہوں نے پولیس کو گھر کا پتا تک فراہم کرنے سے انکار کر دیا ہے۔ پولیس کا یہ بھی مؤقف ہے کہ جمیل بدر میندھرو ڈیفنس کی جانب آئے ہی نہیں، فون کی آخری لوکیشن ڈسٹرکٹ سنٹرل کی جانب آئی ہے۔

ادھر وزیراعلیٰ سندھ مراد علی شاہ نے سیکریٹری جمیل بدر میندھرو کی مبینہ گمشدگی کا نوٹس لے لیا ہے، انھوں نے آئی جی سندھ، چیئرمین اینٹی کرپشن اسٹیبلشمنٹ اور دیگر اداروں سے رپورٹ طلب کر لی ہے۔

آئی جی سندھ سید کلیم امام کو ہدایت جاری کرتے ہوئے وزیر اعلیٰ نے کہا کہ اگر اغوا کا کیس ہے تو فوری بازیاب کرایا جائے، اگر کسی نے گرفتار کیا ہے تو گرفتاری ظاہر کی جائے۔

خیال رہے کہ اینٹی کرپشن کی عدالت سے غیر قانونی ٹھیکوں کے اجرا کیس میں جمیل بدر کو دو دن قبل ضمانت قبل از گرفتاری مل گئی تھی، عدالت نے انھیں 20 جنوری کو پیش ہونے کا حکم بھی جاری کیا تھا۔

fb-share-icon0
Tweet 20

Comments

comments

یہ بھی پڑھیں