اسلام آباد : پاکستان تحریک انصاف نے تعزیرات پاکستان میں بغاوت کی دفعہ 124 اے کو اسلام آباد ہائی کورٹ میں چیلنج کردیا گیا۔
تفصیلات کے مطابق اسلام آباد ہائی کورٹ میں تعزیرات پاکستان میں بغاوت کی دفعہ 124 اے کیخلاف درخواست دائر کردی گئی۔
شیریں مزاری نے ابوذر سلمان نیازی کے ذریعے بغاوت کی دفعہ کو چیلنج کیا ، درخواست میں شیریں مزاری کی بغاوت کی دفعہ 124اےغیر قانونی قرار دینے کی استدعا کی گئی ہے۔
درخواست میں مؤقف اختیار کیا گیا ہے کہ بغاوت کی دفعہ اظہار رائےکی آزادی سلب کرنے کیلئےاستعمال کی جارہی ہے۔
دائر درخواست میں کہا ہے کہ بغاوت کی دفعہ 124اےآئین کےبنیادی حقوق سے متصادم ہے ، تنقید اور اظہار رائے کودبانے کیلئےبغاوت کے مقدمات کا سہارا لیا جاتا ہے۔
شیریں مزاری نے درخواست میں بغاوت کے مقدمات کا اندراج روکنے اور بغاوت مقدمات پرحکم امتناع جاری کرنے کی بھی استدعا کی گئی ہے۔
درخواست میں اسلام آباد سمیت چاروں صوبوں کےآئی جی،چیف سیکریٹری فریق بنایا گیا ہے۔
