کراچی: دفعہ 144 نافذ، سمندر میں نہانے پر پابندی Section 144
The news is by your side.

Advertisement

کراچی: دفعہ 144 نافذ، سمندر میں نہانے پر پابندی

کراچی: سندھ حکومت نے عیدالفطر کے موقع پر سمندر میں نہانے پر پابندی عائد کردی۔

تفصیلات کے مطابق سندھ حکومت کی جانب سے شہریوں کو سمندر میں جانے سے روکنے کے لیے کلفٹن اور سی ویو کے راستوں پر بینرز آویزاں کیے گئے ہیں جن پر شہریوں کو سمندر پر نہانے سے روکنے کے احکامات درج ہیں۔

بینرز پر ہدایت درج کی گئی کہ دفعہ 144 کی خلاف ورزی کرنے والوں کے خلاف کارروائی کی جائے گی، شہری ہدایت پر عمل کرتے ہوئے سمندر میں نہانے سے پرہیز کریں۔

سندھ حکومت کی جانب سے عائد ہونے والی پابندی کے بعد ساحل سمندر پر پولیس اہلکاروں کو تعینات کردیا گیا ہے اور انہیں احکامات دیے گئے ہیں کہ خلاف ورزی کرنے والوں کے خلاف سخت کارروائی عمل میں لائیں۔

واضح رہے عید الفطر، عید الضحیٰ اور مخصوص دنوں میں سندھ حکومت کی جانب سے حفاظتی تدابیر کو پیش نظر رکھتے ہوئے سمندر پر نہانے کی پابندی عائد کی جاتی ہے کیونکہ ان ایام میں منچلے نوجوان بڑی تعداد میں سمندر کا رخ کرتے ہیں اور جذبات میں آکر اپنی جان تک گنوا بیٹھتے ہیں۔

Comments

comments

یہ بھی پڑھیں