The news is by your side.

Advertisement

آپریشن ردُّ الفساد: پنجاب کے مختلف علاقوں سے پانچ دہشت گرد گرفتار

راولپنڈی: سیکورٹی فورسز نے آپریشن ردُّ الفساد کے تحت پنجاب کے مختلف علاقوں میں کارروائیاں کرتے ہوئے پانچ دہشت گردوں کو گرفتار کر لیا۔

پاک فوج کے شعبہ تعلقاتِ عامہ (آئی ایس پی آر) کے مطابق سیکورٹی فورسز نے ڈیرہ غازی خان اور لاہور سے 24 مشتبہ افراد کو بھی غیر قانونی اسلحہ سمیت گرفتار کیا۔

آئی ایس پی آر کا کہنا ہے کہ سیکورٹی فورسز کی جانب سے اٹک، سیالکوٹ، لاہور، میانوالی، فیصل آباد، بہاول پور اور ڈی جی خان میں کارروائیاں کی گئیں۔

دریں اثنا ملتان میں پولیس کے محکمہ انسداد دہشت گردی (سی ٹی ڈی) نے ملتان میں دہشت گردی کا منصوبہ نا کام بنا دیا، چار دہشت گرد گرفتار کر لیے۔

کاؤنٹر ٹیرر ازم ڈیپارٹمنٹ کے مطابق پولیس نے بائی پاس روڈ پر خفیہ اطلاع پر کارروائی کی، کارروائی میں گرفتار دہشت گردوں کا تعلق کالعدم تنظیم سے ہے۔

دہشت گردی میں ملوث ہاتھ الیکشن کا التوا چاہتے ہیں، الیکشن 25 جولائی کو ہی ہوں گے، نگراں وزیراطلاعات

گرفتار ہونے والے دہشت گردوں میں عبد السلام، لیاقت، واجد اللہ اور محمد احمد شامل ہیں، دہشت گردوں سے 5 دستی بم، آتشیں اسلحہ اور اہم نقشے بر آمد ہوئے۔

سی ٹی ڈی نے دعویٰ کیا ہے کہ دہشت گرد ملتان میں سیاسی رہنماؤں کو ہدف بنانا چاہتے تھے، پولیس نے بر وقت کارروائی کرتے ہوئے ان کے منصوبے کو ناکام بنا دیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں