The news is by your side.

Advertisement

بلوچستان میں سیکیورٹی فورسز کا آپریشن، 2 دہشت گرد مارے گئے

کوئٹہ: سیکیورٹی فورسز کے بلوچستان کے علاقے کیچ میں خفیہ آپریشن کے دوران 2 دہشت گرد مارے گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے علاقے کیچ کے پہاڑی علاقے میں آپریشن کیا، انٹیلی جنس بیسڈ آپریشن کے دوران 2 دہشت گرد مارے گئے۔

آئی ایس پی آر کے مطابق دہشت گرد فورسز پر حملوں اور اغوا برائے تاوان کی وارداتوں میں ملوث تھے۔

ترجمان پاک فوج کے مطابق آپریشن میں بڑی تعداد میں اسلحہ، مواصلاتی آلات برآمد کیے گئے ہیں۔

واضح رہے کہ چند روز قبل بھی سیکیورٹی فورسز نے بلوچستان کے ضلع آواران میں خفیہ آپریشن کے دوران 4 دہشت گردوں کو ہلاک کیا تھا۔

آئی ایس پی آر کا کہنا تھا کہ آپریشن میں دہشت گردوں کے کئی ٹھکانے اور انتظامی کیمپس تباہ کردئیے ہیں، اس دوران گولہ بارود، اسلحے کا بڑا ذخیرہ اور مواصلاتی آلات برآمد کیے گئے تھے۔

Comments

یہ بھی پڑھیں