gaurd بینک کا گارڈ 27 لاکر کاٹ کرکروڑوں مالیت کے زیورات لےاڑا security 0
The news is by your side.

Advertisement

بینک کا گارڈ 27 لاکرکاٹ کرکروڑوں مالیت کے زیورات لےاڑا

کراچی : نجی بینک کا سیکورٹی گارڈ ساتھی کے ہمراہ ستائیس لاکر کاٹ کر کروڑوں مالیت کے زیورات لے اڑا، ملزم تین دن قبل ہی ڈیوٹی پرتعینات کیا گیا تھا،اس نےخود رات کی ڈیوٹی لگوائی تھی۔

تفصیلات کے مطابق کراچی کے علاقے گولیمار کی رضویہ سوسائٹی میں قائم ایک نجی بینک کے لاکرز سے کروڑوں روپے مالیت کے زیورات چوری کر لیے گئے۔

پولیس کا کہنا ہے کہ مذکورہ بینک کے سیکورٹی گارڈ نے ستائیس لاکر کاٹے اور زیورات لے اڑا، بینک کے دوسرے گارڈ کو حراست میں لیا گیا ہے۔

گرفتارگارڈ کا کہنا ہے کہ صدام مغل نامی سیکورٹی گارڈ نے رات نو بجے مجھے کہا کہ اس کا ماموں آیا ہے دروازہ کھول دو، دونوں نےاندر گھس کر مجھے باندھ دیا، صدام کا فرضی ماموں کٹرمشین ساتھ لایا تھا، لاکرز سے صرف زیورات اٹھائے، نقد رقم کو ہاتھ تک نہ لگایا۔

پولیس کا مزید کہنا ہے کہ ملزم صدام مغل سیکیورٹی کمپنی کاملازم تھا، کمپنی نے تین ماہ پہلے متعلقہ تھانے سے اس کا کریکٹرسرٹیفکٹ دلوایا تھا۔

ملزم تین دن پہلے بینک پر تعینات ہوا تھا، اس نے خود رات کی ڈیوٹی لگوائی، یاد رہے کہ گارڈن کے علاقے میں کچھ عرصہ پہلے بھی ایک بینک کے لاکرز توڑ کر کروڑوں کی ڈکیتی کی گئی تھی۔

Comments

comments

یہ بھی پڑھیں