The news is by your side.

Advertisement

کھیتی باڑی کرنے والے غیرتربیت یافتہ افراد کو نجی سیکیورٹی گارڈز بنا ئے جانے انکشاف

کراچی : شہر قائد میں ڈیوٹیوں پر تعینات نجی کمپنی کے سیکیورٹی گارڈز کو آزمایا گیا تو خطرے میں ہمارا ساتھ دینے کا دعویٰ والے خود مشکل میں پھنس گئے۔

سیکیورٹی کمپنی میں گارڈ کی ملازمت کا پیمانہ صرف یہ ہے کہ دو گولی چلاؤ اور بھرتی ہوجاؤ، کراچی میں سیکیورٹی گارڈ کتنے تربیت یافتہ ہیں؟

اس بات کو جانچنے کیلئے ان کی تربیت کا امتحان لیا گیا تو ساری پول پٹی کھل گئی، ایس پی گلشن اقبال طاہر نورانی نے ڈیوٹی پر تعینات محافظوں سے اسلحہ چلانے سے متعلق کچھ بنیادی سوالات پوچھے  تو ان کی بڑی تعداد غیر تربیت یافتہ اور ہتھیار چلانے سے ناواقف نکلی۔

کھیتی باڑی کرنے والوں کو بھی سیکیورٹی پرتعینات کردیا گیا، آزمائش کے دوران کسی سے کارتوس پھنس گیا تو کسی کے لئے ہتھیار کھولنا امتحان بن گیا، کچھ تو ایسے بھی تھے جو اپنی کمپنی کا نام بھی درست نہیں لے سکے۔

یاد رہے کہ سیکیورٹی گارڈ کے اناڑی پن کے سبب علی رضا عابدی کی بھی جان گئی تھی، گارڈ چیمبر لوڈ کرتا رہ گیا اور حملہ آور انہیں گولیاں مارکر با آسانی فرار ہوگئے۔

سول یہ پیدا ہوتا ہے کہ کیا سیکیورٹی گارڈز کی تربیت کا کوئی نظام موجود ہے، اگر ہے تو عملدرآمد نظر کیوں نہیں آتا۔

Comments

comments

یہ بھی پڑھیں