The news is by your side.

Advertisement

پشاور دھماکے کے بعد اسلام آباد میں سیکیورٹی ہائی الرٹ

اسلام آباد : پشاور دھماکے کے بعد اسلام آباد میں سیکیورٹی ہائی الرٹ کردی گئی ،آئی جی اسلام آباد نے کہا ریڈ زون سمیت دیگرسرکاری وغیرسرکاری عمارات کی سیکیورٹی سخت کی جائے۔

تفصیلات کے مطابق پشاور کے علاقے دیرکالونی کے مدرسہ میں دھماکے کے بعد اسلام آباد میں سیکیورٹی ہائی الرٹ کردی گئی ، آئی جی اسلام آباد نے داخلی وخارجی راستوں پرچیکنگ سخت کرنےکی ہدایات جاری کردی ہے۔

آئی جی اسلام آباد نے کہا ریڈ زون سمیت دیگرسرکاری وغیرسرکاری عمارات کی سیکیورٹی سخت کی جائے، ڈی آئی جی آپریشنز ودیگر افسران ڈیوٹی کو خود چیک کریں اور امام بارگاہوں،دینی مدرسوں کا دورہ،سیکیورٹی کا جائزہ لیں۔

دوسری جانب آئی جی پنجاب نے پشاور دھماکے کے تناظر میں سیکیورٹی ہائی الرٹ کرنے کا حکم دیتے ہوئے کہا حساس مقامات،عبادت گاہوں،عوامی مقامات کی سیکیورٹی بڑھائی جائے۔

انعام غنی کا کہنا تھا کہ ڈی پی اوزسمیت دیگر افسران سیکیورٹی انتظامات کاجائزہ لیں اور تمام اضلاع میں سرچ آپریشنزمیں مزید تیزی لائی جائے۔

یاد رہے پشاور کے علاقے دیرکالونی کے مدرسہ میں دھماکہ کےنتیجے میں سات افراد شہید اور چھیانوے سے زائد زخمی ہوگئے، دھماکہ اتنا زوردارتھا کہ پوری عمارت لرزاٹھی۔

پشاور کے مدرسے میں دھماکے کی تحقیقات جاری ہیں، پولیس کے مطابق دھماکا ٹائم ڈیوائس کے ذریعے کیا گیا، جس میں پانچ سے چھ کلو کا بارودی مواد شامل تھا جبکہ اے آئی جی بم ڈسپوزل کاکہنا ہے کہ دھماکہ منظم گروپ کی کارروائی لگتا ہے

Comments

یہ بھی پڑھیں