The news is by your side.

Advertisement

پشاور دھماکے کے بعد پنجاب میں سیکیورٹی ہائی الرٹ

لاہور : پشاور دھماکے کے بعد پنجاب میں بھی سیکیورٹی ہائی الرٹ کردی گئی ، آئی جی پنجاب نے حساس مقامات اور تنصیبات کی سیکیورٹی بڑھانے کی ہدایت کردی۔

تفصیلات کے مطابق آئی جی پنجاب راؤ سردار خان نے پشاور دھماکے کے بعد صوبہ بھرمیں سیکیورٹی ہائی الرٹ کرنے کا حکم دے دیا۔

آئی جی پنجاب نے آر پی اوز ،ڈی پی اوزکوحساس مقامات، تنصیبات کی سیکیورٹی بڑھانے کی ہدایت کرتے ہوئے کہا کہ مذہبی وپبلک مقامات،تعلیمی اداروں کےسیکیورٹی پلان کاجائزہ لیاجائے اور تمام اضلاع میں سرچ،انٹیلی جنس بیسڈ آپریشنز میں تیزی لائی جائے۔

گذشتہ روز پشاور کے مشہور و معروف قصہ خوانی بازار کی جامع مسجد میں دھماکا ہوا، جس کے نتیجے میں بچوں سمیت 56 افراد شہید ہوگئے تھے۔

پویس پی سٹی نے افسوسناک واقعے سے متعلق بتایا تھا کہ دھماکا جامع مسجد کوچہ رسالدار میں اسوقت ہوا جب نمازی جمعے کی نماز کی ادائیگی میں مصروف تھے، دھماکے کے بعد مسجد میں افراتفری پھیل گئی اور ہر کوئی اپنے پیاروں کی تلاش میں مارا مارا پھرتا رہا۔

پولیس کی جانب سے جاری ابتدائی بیان میں بتایا گیا تھا کہ دو نامعلوم حملہ آوروں نے جامع مسجد میں داخل ہونے کی کوشش کی، جس پر ڈیوٹی پر موجود پولیس اہلکاروں اور دہشت گردوں کے درمیان فائرنگ کا تبادلہ بھی ہوا، دہشت گردوں کی فائرنگ کے نتیجے میں ایک پولیس جوان نے جام شہادت نوش کیا تھا۔

Comments

یہ بھی پڑھیں