کراچی: چارسدہ کی باچاخان یونیورسٹی کے بعد دہشت گرد کراچی کوبھی نشانہ بناسکتےہیں۔ سیکورٹی انتہائی سخت کرنے کے احکامات جاری کردیئے گئے۔
ذرائع کےمطابق کراچی میں دہشت گردی کے خدشات پر تعلیمی اداروں اوردوسرے اہم مقامات کی سیکیورٹی ہائی الرٹ کردی گئی۔
حساس اداروں کے مطابق فورسز اور اقلیتوں کے زیر انتظام چلنے والے تعلیمی اداروں کو نشانہ بنایا جاسکتا ہے۔
ذرائع کےمطابق حساس تنصیبات ،سیکیورٹی فورسز کے دفاتر، رینجرز اور پولیس ہیڈکوارٹرز، وزیراعلیٰ ہاؤس، سندھ اسمبلی، گورنر ہاؤس، فائیو اسٹار ہوٹل، اور دیگر حساس مقامات کی سیکیورٹی سخت کردی گئی۔
آئی جی سندھ نے کراچی سمیت سندھ بھر میں سیکیورٹی ہائی الرٹ کرنے کے احکامات جاری کردیئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں