The news is by your side.

کراچی : چہلم کے جلوسوں کی سیکیورٹی کیلئے پولیس الرٹ

کراچی پولیس نے شہدائے کربلا کے چہلم کے حوالے سے سیکیورٹی پلان جاری کردیا، ترجمان کا کہنا ہے کہ امن و امان کے قیام کو یقینی بنایا جائے گا۔

پولیس ترجمان کی جانب سے جاری سیکیورٹی پلان میں کہا گیا ہے کہ کراچی پولیس چہلم کے جلوسوں کی سیکیورٹی کیلئے فرائض انجام دے رہی ہے۔

اس حوالے سے مرکزی جلوس کے راستوں پر پولیس کے 2996 افسران وجوان موجود رہیں گے، پولیس کے76سینئرافسران سمیت 355این جی اوز بھی فرائض انجام دے رہے ہیں۔

سیکیورٹی پلان کے مطابق 2480ہیڈ کانسٹیبل، کمانڈوز سمیت969افسران واہلکاراور ریپڈ رسپانس فورس کے375افسران تعینات کیے گئے ہیں۔

اسپیشل سیکیورٹی یونٹ کے ماہر اسنائپرز مرکزی جلوس کے اطراف اور گزرگاہوں پر تعینات ہیں
پولیس کے سینئرافسران سمیت پولیس کے جوانوں کی بھاری نفری جلوسوں اورمحافل کی نگرانی پرمامور کی گئی ہے۔

کراچی پولیس کے ترجمان کا مزید کہنا ہے کہ چہلم کے جلوسوں میں شرکت کرنے والے عزاداروں کو مکمل سیکیورٹی فراہم کر رہی ہے۔

Comments

یہ بھی پڑھیں