site
stats
سندھ

سندھ پولیس کا رمضان سیکیورٹی پلان تیار

کراچی: ماہ رمضان سے قبل ایڈیشنل آئی جی کراچی مشتاق مہر نے پولیس کو الرٹ جاری کردیا ہے،رمضان میں گداگری، بھتہ خوری،لوٹ مار اور ٹریفک کی روانی برقرار رکھنے کے لیے پولیس نے حکمت عملی تیار کرلی۔

تفصیلات کے مطابق ماہ رمضان میں امن عامہ کو یقینی بنانے کے لیے کراچی پولیس چیف نے افسران کو ہدایت کی ہے کہ تمام مکاتب فکر کے علمائے کرام سے رابطوں میں رہیں اور امن وامان کو ہر صورت یقینی بنایا جائے،اس سلسلے میں خاص طور پر لانڈھی کی صورتحال پر نظر رکھی جائے۔

مشتاق مہر کی جانب سے ہدایت جاری کی گئیں ہیں کہ مساجد،امام بارگاہوں اور پبلک مقامات پر سیکیورٹی کو موثر بنایا جائے، جبکہ نماز تراویح ،فجر اور نماز مغرب کے دوران سرویلینس میں بھی اضافہ کیا جائے،اس موقع پر انہوں نےتاجر ایسوسی ایشنز اور دکانداروں سے اپیل کی ہے کہ ماہ رمضان میں نجی سیکیورٹی گارڈز یا رضاکار بھی رکھیں۔

ایڈیشنل آئی جی کراچی نے گداگروں کے خلاف سخت ایکشن کی ہدایت جاری کردی،شہر کے داخلی راستوں کی سخت نگرانی کر کے گداگروں کی شہر میں داخل ہونے کی کوششوں کو ناکام بنایا جائے گا، جب کہ شہر بھر کے شاپنگ سینٹرز، چوراہوں اور سنگلز سے گداھروں کی گرفتاری کا عمل پورے ماہ جاری رہے گا۔

رمضان میں بلا تعطل ٹریفک روانی کے لیے ضلعی پولیس ٹریفک پولیس کی مدد کے لیے موجود ہو گی،اس سلسلے میں لیاری ایکسپریس وے کے دونوں ٹریک کھولنے کی تجویز دی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top