دہلی: بھارت میں بےقابو موٹر سائیکل اچانک دکان میں آگھسی، خوف ناک مناظر کیمرے کی آنکھ میں قید ہوگئے۔
تفصیلات کے مطابق کپڑے کی دکان میں شاپ کیپرز پرسکون بیٹھے تھے کہ اس دوران دل دہلا دینے والا حادثہ پیش آیا جس کے باعث ان کے اوسان خطا ہوگئے۔
کپڑے کی شاپ میں تین خواتین اور ایک مرد دکاندار آپس میں محو گفتگو تھے لیکن پھر ان پر ایسی آفت ٹوٹی کہ وہ دم بخود رہ گئے اور کچھ لمحوں کے لیے انہیں سمجھ نہیں آیا کہ آخر ہوا کیا۔
سوشل میڈیا پر وائرل ویڈیو میں دیکھا جاسکتا ہے کہ کس طرح تیز رفتار بائیک بے قابو ہوکر دکان میں گھسی اور آپ یہ بھی مشاہدہ کرسکتے ہیں جائے وقوع پر موجود افراد پر قسمت کیسے مہربان رہی۔
Seems like someone turned up to work in a hurry. pic.twitter.com/cSO3tgEIo6
— Paul Oommen (@Paul_Oommen) November 10, 2021
حیران کن طور پر اس واقعے میں کوئی جانی نقصان نہیں ہوا ور نہ ہی شاپ کیپرز کو چوٹیں آئیں۔
موٹر سائیکل چلانے والا بھی چند لمحوں بعد سنبھل گیا، اس حادثے پر سوشل میڈیا صارفین دلچسپ تبصرے بھی کررہے ہیں، ایک نے لکھا ‘تنخواہ کی کٹوتی کے ڈر سے جب آپ دفتر وقت پر پہنچنے کی کوشش کریں’۔
