سیہون دھماکا، پنجاب میں دہشتگردوں کیخلاف کارروائی، 30افراد گرفتار -
The news is by your side.

Advertisement

سیہون دھماکا، پنجاب میں دہشتگردوں کیخلاف کارروائی، 30افراد گرفتار

لاہور: ملک میں پہ درپہ ہونیوالی دہشگردوں کی بزدلانہ کارروائیوں کے بعد ملک پھر میں سیکیورٹی ہائی الرٹ کردی گئی ہے جبکہ بیشتر مزارات و درگاہیں عارضی طور پر بند کردی گئی ہیں اور مقابلوں میں کئی دہشتگردوں کو ہلاک جبکہ متعدد افراد کو گرفتار کرلیا گیا ہے۔

تفصیلات کے مطابق سیہون میں حملے کے بعد سیکیورٹی ادارے متحرک ہوگئے، درگاہ بری امام اور ملتان میں بہاؤ الدین ذکریا سمیت پنجاب کے تمام مزارات بند کردیے گئے، شہروں کے داخلی اور خارجی راستوں پر ناکے لگا کر تلاشی لی جارہی ہے۔

سرگودھا میں فیصل آباد روڈ پر سی ٹی ڈی کے سرچ آپریشن کے دوران مقابلے میں دو دہشتگرد مارے گئے، لاہور میں بھی پولیس نے مختلف علاقوں میں سرچ آپریشن کے دوران تیس سے زائد مشتبہ افراد کو گرفتار کرلیا۔

ڈی آئی جی آپریشنز لاہور کے مطابق زیرحراست افراد میں افغان اور فاٹا کے باشندے بھی شامل ہیں، شہرمیں تمام درباروں کے باہر سیکیورٹی ہائی الرٹ کردی گئی ہے۔

چنیوٹ میں بھی پولیس نے ضلع کے مختلف علاقوں میں سرچ آپریشن کیا، آپریشن میں ایک سو چوہتر مشکوک افراد کی بائیومیٹرک ڈیوائس سے تلاشی لی گئی، نیشنل ایکشن پلان کی خلاف ورزی پر پانچ ملزمان کو گرفتار کیا گیا۔

چنیوٹ میں ڈپٹی کمشنراورڈی پی او نے مختلف مزاروں کا دورہ کیا اور سیکیورٹی انتظامات کا جائزہ بھی لیا۔

Comments

comments

یہ بھی پڑھیں